მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისში ორი დღით მყოფი ჰოლივუდის ვარსკვლავი ქართველებმა აატირეს - "მაგარი ემოციური მუხტი მიიღო"
00:43 / 08-07-2015
გასულ კვირას თბილისში ცნობილი ბრიტანელი ჰოლივუდის მსახიობი - ჯეისონ ფლემინგი იმყოფებოდა. მაყურებელი მას არაერთი საინტერესო როლით იცნობს. თბილისში ერთ-ერთმა კომპანიამ სარეკლამო რგოლის გადასაღებად ჩამოიყვანა. მის აქ ჩამოყვანაში დიდი წვლილი პროდიუსერსა და რეჟისორს ნიკოლოზ ხომასურიძეს მიუძღვის. როგორც ამბობს, ისინი მეგობრები არიან, ერთმანეთს კარგად იცნობენ, ერთმანეთი კი პროექტზე - "ჯინსების თაობა" გაიცნეს (ფილმი ნიკა ხომასურიძემ უნდა გადაიღოს, ოღონდ, პროექტი ამ ეტაპზე ფინანსების უქონლობის გამო შეჩერებულია. ჯეისონი ფილმში მღვდლის (ჩიხლაძე) როლზეა დამტკიცებული).
ნიკოლოზ ხომასურიძე:
- ჯეისონის თბილისში ჩამოყვანა უცებ მოხდა, თუმცა უკვე სამი წელია, მინდოდა, აქ ჩამოსულიყო. ძალიან კარგი მსახიობია და გარდა ამისა, უმაგრესი პიროვნება. მოკლედ, ჩემს მეგობარს გიორგი ქვლივიძეს აქვს სარეკლამო კომპანია, რომელსაც ერთ-ერთი ცნობილი ბანკის კლიპი უნდა გადაეღო და ჯეისონის ვიზიტი თბილისში ერთობლივად განვახორციელეთ. სცენარის მიხედვით, აღნიშნულ კომპანიას, უცხოელი მსახიობი უნდოდა. ბევრი ვიფიქრეთ, ბოლოს ჯეისონ ფრემინგზე შევჩერდით და დავუკავშირდით.
ზუსტად ისე დაემთხვა, რომ მას ამ პერიოდში დრო ჰქონდა და ჩამოვიდა. ამასთან, რა თქმა უნდა, პირობებზეც შევთანხმდით. ფაქტობრივად, სულ ორი დღით ჩამოვიდა.
- სერიოზული პირობები წაგიყენათ, თუ ამ შემთხვევაში ამ ყველაფერს თქვენმა მეგობრობამ შეუწყო ხელი?
- კი, მეგობრობა დაგვეხმარა...
- როგორი პიროვნებაა? ადვილია მასთან ურთიერობა?
- ყველა ასეთი წარმატებული ადამიანი, თითქმის ერთნაირია, რადგანაც მათ, სანამ წარმატებას მიაღწევდნენ, თითქმის მსგავსი გზა გაიარეს. ამიტომ, ურთიერთობის და მეგობრობის ფასი კარგად იციან. ასე რომ, უპრობლემო და ჩვეულებრივი ადამიანია. თუმცა შეიძლება სანამ ახლოს გაიცნობ, ასე არ იფიქრო. ჩვენს მეგობარს საკუთარ თავზე დიდი წარმოდგენა არ აქვს, ჩვეულებრივია ურთიერთობაში. დიახ, მაგარი პროფესიონალები მაგარი ადამიანები არიან, თავმდაბლობაა მათი ცხოვრების მთავარი თვისება.
- მას ახლა შემოქმედებითად აქტიური პერიოდი აქვს?
- ახლა დევით პინჩერის სერიალში იყო დაკავებული, 4 სერია გადაიღეს, ამიტომ ლონდონში იყო ჩასული და ჩვენთან იქიდან ჩამოფრინდა. ცოტა ხანში ისევ ლოს-ანჯელესში დაბრუნდება. იქ პარალელურად რამდენიმე ფილმზე მუშაობს. მისი რანგის მსახიობები სულ დატვირთულები არიან, უკვე იმ საფეხურზე იმყოფებიან, რომ სამუშაოს ძებნა არ უჭირთ.
- მოეწონა საქართველო?
- იმ მცირე დროში, რაც შევძელით, ვანახეთ და დავათვალიერებინეთ. პირველ დღეს რეკლამის გადაღება ჰქონდა, მერე რამდენიმე ინტერვიუ, საღამოს სადილი და ნამგზავრმა ცოტა დაისვენა. მეორე დღეს კახეთში წავედით და იქ ისე მოუწყვეთ საქმე, რომ ხინკალიც გააკეთა, მწვადიც შეწვა და ჩურჩხელაც ამოავლო. ასეთი მიკრო კლიმატი შევუქმენით. მოკლედ, ძალიან ისიამოვნა. შემდგომ პატარა წვეულებაც მოვუწყვეთ, სადაც ჩემი მეგობრები "ქართული ხმების" კვარტეტი ჩამოვიდა. მათმა სიმღერამ მასზე საოცრად იმოქმედა. ეს ბოლო წერტილი იყო, ამის შემდეგ თვალზე ცრემლი მოადგა... მაგარი ემოციური მუხტი მიიღო.
ამასთან, მშვენიერი სამახსოვრო ფოტოები გვაქვს გადაღებული და ვიდეომასალაც, რომელსაც დავამონტაჟებთ და მაყურებელს მისი ხილვის საშუალებაც ექნება. თავად სარეკლამო კლიპს, რომლის გადასაღებადაც ჯეისონი საქართველოში ჩამოვიდა, მაყურებელი ცოტა ხანში იხილავს.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
