კონდიციონერების ჩაურთველობის გამო ურჩი მძღოლები დააჯარიმეს - "თბილისის მიკროავტობუსის" განცხადება
"თბილისის მიკროავტობუსმა" კონდიციონერების ჩაურთველობის გამო ურჩი მძღოლები დააჯარიმა. როგორც "ინტერპრესნიუსს" "თბილისის მიკროავტობუსიდან" აცნობეს, მონიტორინგის შედეგად კომპანიამ ურჩი მძღოლების ნაწილს გაფრთხილება მისცა, ნაწილს კი ორი კვირით მიკროავტობუსის მართვა აეკრძალა.
"გაცნობებთ, რომ მიუხედავად გაფრთხილებებისა ზაფხულის ცხელ დღეებში მგზავრობისას კონდიციონერი არ ჩართეს შემდეგმა მძღოლებმა: N149 სამარშრუტო მ/ავტობუსის მძღოლებმა ზ. გ.-მ და კ. ჭ-მა; N51-ის მძღოლებმა რ. მ.-მ და მ. ს.-მ; N128-ის მძღოლმა ზ. ჯ.-მ; N55 ის მძღოლმა თ. ჩ.-მ; N176-ის მძღოლმა ი. ე.-მ; N212-ის მძღოლმა ჯ. ჯ.-მ და N50-ის მძღოლმა თ. ც.-მ; ზემოხსენებულ პირებს ა.წ. 27 ივნისიდან ორი კვირით აეკრძალათ მარშრუტზე მუშაობა. N83 სამარშრუტო მ/ავტობუსის მძღოლს, ს. ო.-ს არ ქონდა ჩართული კონდიციონერი და ამავე დროს მოძრაობისას ეწეოდა სიგარეტს, ამ უკანასკნელს ა.წ 27 ივნისადან ერთი თვის განმავლობაში აეკრძალა მუშაობა", - აცხადებენ კომპანიაში.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
