როგორ გამოიყურება მდიდრული პენტჰაუსი კიევში, რომელშიც სააკაშვილი ცხოვრობდა და ახლა 1,2 მლნ დოლარად იყიდება

მდიდრული ბინა, რომელშიც კიევში ყოფნისას ოდესის ოლქის ახალი გუბერნატორი მიხეილ სააკაშვილი ცხოვრობდა, 1,2 მლნ დოლარადაა შეფასებული. "ლუქსის" კლასის ფეშენებელური აპარტამენტები 1917 წელს აშენებული ძველი სახლის ზედა სართულს და მანსარდას იკავებს. სახლი კოსტელნაიას ქუჩაზე მდებარეობს და დამოუკიდებლობის მოედანს გადაჰყურებს.

252 კვადრატული მეტრი ფართობის 5-ოთახიან ბინაში ძვირადღირებული რემონტია გაკეთებული. საქართველოს ყოფილი პრეზიდენტის საცხოვრებელი გაფორმებულია სვეტებით, ჭერის სიმაღლე 5 მეტრია, აქვს სამი სველი წერტილი, ტერასა, დიდი ფანჯრებიდან კი დამოუკიდებლობის მოედნის ხედები იშლება. სააკაშვილი ამ ბინას დაახლოებით წელიწადნახევარი ქირაობდა, ქირა თვეში 6 000 დოლარი უჯდებოდა.

იხილეთ ვიდეო