როგორ გამოიყურება დატბორილი სოჭი: მასშტაბური წყალდიდობის გამო ქუჩები მდინარეებად იქცა
სოჭი ნელ-ნელა ცდილობს ფეხზე დადგეს მას შემდეგ, რაც ქალაქში გამანადგურებელი წყალდიდობა მოხდა. კოკისპირული წვიმების შედეგად რეგიონში ათობით ქუჩა და სახლი დაიტბორა. აგრეთვე, ერთი ადამიანია გარდაცვლილი. როგორც ”რასიისკაია გაზეტა” იუწყება, სამაშველო სამუშაოების დროს აღმოაჩინეს 35-40 წლის მამაკაცის ცხედარი.
მასშტაბური წყალდიდობის გამო სოჭის ქუჩები მდინარეებად იქცა, რომელსაც მიჰქონდა ყველაფერი, კონტეინერებით დაწყებული, მანქანებით დამთავრებული. ერთ-ერთ რაიონში წყლის სიმაღლე ორი მეტრი იყო. დატბორილ ქუჩებზე უკვე მუშაობს 440 ერთეული ტექნიკა, ხოლო დაზარალებული მოსახლეობისთვის გახსნილია დროებითი თავშესაფრის რვა პუნქტი, რომელიც ათას ადამიანზეა გათვლილი. მთავრობა უკვე შეპირდა ყველა დაზარალებულს, რომ 10 000 რუბლს გადაუხდის. იმ შემთხვევაში, თუ ქონება მთლიანადაა განადგურებული, დაზარალებულებს 100 000 რუბლს გადაუხდიან.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
