მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არ მაინტერესებს სხვა ქვეყნებში როგორ გაიყიდება ბილეთები, ბილეთები უნდა მიიღოს ჩვენმა გულშემატკივარმა"
14:46 / 25-06-2015
მე არ მაინტერესებს სხვა ქვეყნებში როგორ გაიყიდება ეს ბილეთები, პირველ რიგში, ეს ბილეთები უნდა მიიღოს ჩვენმა გულშემატკივარმა, - ამის შესახებ საქართველოს ფეხბურთის ფედერაციის პრეზიდენტმა, ზვიად სიჭინავამ ტელეკომპანია "იმედის" საინფორმაციო გამოშვება "ქრონიკაში" ჩართვისას განაცხადა.
მისივე ინფორმაციით, ბილეთების გაყიდვის საკითხთან დაკავშირებით, კომპანია biletebi.ge-მ უეფას თავისი სტრატეგია მიაწოდა.
"მე ვთხოვე უეფას, განისაზღვროს, რომ ბილეთების 80% უნდა შეხვდეს ჩვენს გულშემატკივარს. ეს არის "თბილისი 2015". მე არ მაინტერესებს სხვა ქვეყნებში როგორ გაიყიდება ეს ბილეთები. პირველ რიგში ეს ბილეთები უნდა მიიღოს ჩვენმა გულშემატკივარმა", - აღნიშნა ზვიად სიჭინავამ.
მისივე ინფორმაციით, biletebi.ge–ს წარმომადგენლები ფედერაციაში იმყოფებიან, ასევე დაპატიჟებულია კომპანია "კავკასუსის" წარმომადგენლები.
"დაპატიჟებულია კომპანია "კავკასუსი", რომელიც მზად არის იმდენი ტრაფიკი, ინტერნეტის იმდენი სიმძლავრე მოგვაწოდოს, რომ ყველა ერთად შევიდეთ სისტემაში. ეს არის ჩემი მიზანი, რომ ყველა გულშემატკივარს სისტემაში შესვლის და ბილეთების არჩევის საშუალება ჰქონდეს. ბევრი კი არ არის, სულ არის 24 000 ბილეთი", - განაცხადა ზვიად სიჭინავამ.
საქართველოს ფეხბურთის ფედერაციის პრეზიდენტმა აღნიშნა, რომ biletebi.ge მისდა სამწუხაროდ უეფამ აირჩია.
"ჩემდა სამწუხაროდ, ეს კომპანია აირჩია უეფამ და ენდო, თორემ ჩვენ გვქონდა შეძენილი ეს პროგრამა, ბაზისი იმისათვის, რომ გაგვეყიდა ბილეთები, გავაკეთეთ ტესტირება გერმანიის თამაშზე. ჩვენ ვიყავით მზად და როდესაც უეფას მივმართეთ, რომ ფეხბურთის ფედერაცია მზად ვიყავით, მოგვეცით და ჩვენ გავყიდით ჩვენს ლიმიტს და სხვა ბილეთებსაც, გვითხრეს უარი, რადგან მათ ჰქონდათ, უფრო დიდი გამოცდილება, 6 წლის მუშაობა ბილეთებთან. ხვალ ჩვენ უნდა მივაწოდოთ ჩვენი ხედვა. ვუთხარით უეფას, მზად ვართ გამოვიყენოთ ის რესურსი, რაც გააჩნია biletebi.ge-ს, მაგრამ ჩვენ ჩავრთავთ ამაში რამდენიმე კომპანიას, რათა ყველას ჰქონდეს შესაძლებლობა ბილეთები ერთობლივად იყიდონ", - განაცხადა ზვიად სიჭინავამ.
ამასთან, როგორც ჟურნალისტებს საქართველოს ფეხბურთის ფედერაციის პრესსამსახურის წარმომადგენელმა ეკა ელოშვილმა განუცხადა, უეფას სუპერთასის ბილეთები ქართველებისთვის და უცხოელებისთვის ცალ-ცალკე გაიყიდება. მისივე თქმით, უეფას გადაწყვეტილებით, საქართველოს მოქალაქეებისთვის განისაზღვრა 24.000 ბილეთი, ხოლო უცხოელებისთვის 6.000, რომელიც ცალ-ცალკე გაიყიდება. შესაბამისად, აღნიშნული 30.000 ბილეთი ერთად აღარ გაიყიდება.
როგორც ელოშვილმა განმარტა, სავარაუდოდ, ქართველი გულშემატკივრებისთვის ბილეთებს ისევ biletebi.ge გაყიდის, ხოლო უცხოელებისთვის განსაზღვრული ბილეთების გაყიდვაზე გადაწყვეტილებას უეფა მიიღებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
