მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
პარასკევი, მთვარის მეჩვიდმეტე დღე დაიწყება 23:08-ზე, მთვარე მერწყულს ესტუმრება 21:19-ზე – რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. ხელსაყრელი პერიოდია სამეცნიერო საქმიანობის, კვლევისთვის. ადამიანები ავლენენ დამოუკიდებლობას, ექსტრავაგანტურობას, კომუნიკაბელურობას, ექსპერიმენტებისადმი მიდრეკილებას და გამომგონებლობას. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სტადიონის სალაროებში რომ გაეყიდათ - ასე უბრალოდ ვერ მოგვატყუებდნენ" – უკმაყოფილო მომხმარებლები ბილეთების გაყიდვას ითხოვენ
04:57 / 22-06-2015
თბილისში 11 აგვისტოს ჩასატარებელ სუპერთასის ფინალზე მომხმარებლები ბილეთებს ვერ ყიდულბენ. ბილეთების გაყიდვა Biletebi.ge-ზე დღეს დილიდან უნდა დაწყებულიყო, თუმცა ბილეთის ყიდვის მსურველთა უზარმაზარი რაოდენობის გამო საიტი გაითიშა. კომპანიის "ფეისბუქის" გვერდზე ინფორმაცია გავრცელდა, სადაც ჯერ დაწერეს, რომ საიტზე მიმდინარეობდა შეტევა და ცდილობდნენ განეიტრალებას, ხოლო მოგვიანებით განცხადეს, რომ სერვერი ცოტა ხნით გაითიშებოდა, რადგან აპარატურის გადაწყობა მიმდინარეობს.
"უპრეცენდეტო მოთხოვნასთან დაკავშირებით მოხდა ჩვენი სისტემის გადატვირთვა. ამჟამად მიმდინარეობს სერვერული ნაწილის გაძლიერება. ბოდიშს გიხდით ამ შეფერხებისთვის!", - ეს კი კომპანიის ბოლო განცხადებაა სოციალურ ქსელში. თუმცა, მომხმარებლები ბილეთებს ამ დრომდე ვერ ყიდულობენ.
აღნიშნულ ფაქტს გამოხმაურება მოჰყვა სოციალურ ქსელსა და ფორუმებში. მომხმარებლების უმეტესობა კომპანიისა და ფეხბურთის ფედერაციის მუშაობით უკმაყოფილოა და საიტის დროულად ამუშავებას ითხოვს. გთავაზობთ მომხმარებელთა კომენტარებს სოციალური ქსელიდან და ფორუმიდან.
"რამდენი კითხვა გავუგზავნე Biletebi.ge-ს, მზად იქნებით თუ არა საიტზე ამდენი მომართვისთვის, სიმძლავრეები გეყოფათ თუ არა მეთქი, – არ მაღირსეს პასუხი. ფიფამ ფული რომ გადაურიცხა ბილეთების ფასის შენარჩუნებისთვის, ჯობდა ტრაფიკის მომატებისთვის მიეცათ რაღაც."
"შეტევა კი არა, მაგას ბილეთის ყიდვის მსურველების რიგი ჰქვია, რაც უნდა გაგეთვალათ წინასწარ."
"45 ათასი ევრო ამისთვის გადაგიხადათ უეფამ? რეალობა ის არის, რომ არანაირი შეტევა არ არის, სერვერები არ გივარგათ, ვერ უძლებს ტრეფიკს. მაგრად მიქარა უეფამ თქვენ რომ გენდოთ".
"ისე არ მოხდეს, რომ ამ შეტევის დროს ფედერაციის და მთავრობის ხალხს ბევრი ბილეთი ჰქონდეს დათრეული, თორე მერე ნახავთ შეტევას".
"სტადიონის სალაროებში რომ გაეყიდათ - ასე უბრალოდ ვერ მოგვატყუებდნენ, მივიდოდა ზღვა ხალხი, ზოგი წინა დღიდან დაიკავებდა რიგს და აბა რანაირად ეტყოდნენ იმ ხალხს, რომ ბილეთები აღარ არისო? ინტერნეტში კი ხვალ იტყვიან, ზოგს ვისაც გაუმართლა - იმათმა შეძლეს ბილეთების ყიდვაო..."
"დაივიწყეთ საქართველოში მსგავსი რანგის ტურნირების კიდევ ჩატარება! ეს რა უპასუხისმგებლობაა, ამხელა ფედერაციამ ის არ იცოდა, რომ ჩვეულებრივი ქართული საიტი ამხელა დატვირთვას ვერ გაუძლებდა?! მე ვხვდებოდი და ვიცოდი, ასე რომ იქნებოდა და დავიჯერო სიჭინავას აზრადაც არ მოუვიდა? ესეც ქართველების გაკეთებული საქმე, გაეყიდათ სალაროში, მივიდოდი დავდგებოდი 5, 6, 7 საათი, სამაგიეროდ მეცოდინებოდა რომ ვიყიდდი.."
"ისე რა პრობლემაა, თუ ეხლა დადასტურდება რომ გადაგვაგდეს უბრალო ხალხი მოშნად, 11 აგვისტო ხო მოვა? ხო და მივიდეთ ეს ზღვა ხალხი და ჩვენი სიტყვა ვთქვათ სტადიონზე, ჩაუშხამოთ პრაზნიკი..."
"ბაზარზე მონოპოლისტი როცა ხარ, დებილი მაინც არ უნდა იყო! მიეცით სხვა კომპანიების ბილეთების ონლაინ გაყიდვის შესაძლებლობა და მოეშვით ამ ექსკლუზიომანიას, თორემ ყველას ყელში აქვს თქვენი უსუსურობა და არაპროფესიონალიზმი!"
"2 კითხვაზე გაგვეცით პასუხი: 1) დღეს ჩაირთება საიტი თუ არა? მთელი დღე ხოარ უნდა ვიჯდეთ და ველოდოთ ბილეთს? 2) ბევრი წერს, რო ბევრი ბილეთი გაყიდულიაო, ეს მართალია თუ არა????????"
აღნიშნულ პრობლემასთან დაკავშირებით ფეხბურთის ფედერაცის პრესსამსახურმა განცხადება გაავრცელა, რომელსაც უცვლელად გთავაზობთ:
საქართველოს ფეხბურთის ფედერაცია გაფრთხილებთ, რომ არ შეიძინოთ არც ერთ სხვა საიტზე ბილეთები გარდა საიტისა biletebi.ge. მიუხედავად იმისა, რომ მომხმარებელთა სიმრავლის გამო აღნიშნული საიტი დროებით დაბლოკილია, გთხოვთ, ნუ გახდებით გადამყიდველთა და ცრუ საიტების მსხვერპლი და ნუ შეიძენთ არარსებულ ბილეთებს გაასმაგებულ ფასად.
biletebi.ge-სინფორმაციით, საიტის ადმინისტრაცია ამ დროისათვის მუშაობს არსებული ხარვეზის გამოსასწორებლად და ბილეთების შეძენა დღის ბოლომდე შესაძლებელი გახდება.
სფფ-ის პრესსამსახური
AMBEBI.GE
თაკო ესებუა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
