რა ხდება წყნეთში, სადაც ვეფხვს ეძებენ

წყნეთის მასშტაბით პოლიციის ეკიპაჟები პატრულირებენ. როგორც "ინტერპრესნიუსის" კორესპონდენტი ადგილიდან იტყობინება, პოლიცია და სპეცრაზმი მიღებული ინფორმაციის საფუძველზე წყნეთის ტერიტორიაზე ვეფხვს ამ დრომდე ეძებენ.

ადგილობრივების განცხადებით, რამდენიმე პირმა ვეფხვის ხმა გაიგო და 112-ში დარეკა. სპეცრაზმელები სამძებრო სამუშაოებს სწორედ ამ ინფორმაციის საფუძველზე ატარებენ.

"ინტერპრესნიუსი"