დიდ დიღომში დაჭრილი მამაკაცი ღუდუშაურის კლინიკიდან უკვე გაწერეს. ღუდუშაურის კლინიკის ანესთეზიოლოგიისა და ინტენსიური რეანიმაციის განყოფილების გამგის, ნიკა ქარცივაძის ინფორმაციით, დაჭრილი 29 წლის მამაკაცი კლინიკაში 20.15 საათზე შეიყვანეს.
მისი თქმით, მამაკაცს ხერხემლის არეში ცივი იარაღით მიყენებული ჭრილობა აღენიშნებოდა. ექიმის ინფორმაციით, მას არ ჰქონდა დაზიანებული შინაგანი ორგანოები და შესაბამისი დახმარების აღმოჩენის შემდეგ ის სახლში გაწერეს.
შინაგან საქმეთა სამინისტროს ინფორმაციით, მომხდართან დაკავშირებით დაწყებულია გამოძიება.
