ცხოველთა მონიტორინგის სააგენტო პატრულირებას მთელი ღამის განმავლობაში გააგრძელებს
თბილისის ცხოველთა მონიტორინგის სააგენტო საგანგებო რეჟიმში მუშაობას განაგრძობს და დედაქალაქის მასშტაბით პატრულირებას მთელი ღამის განმავლობაში გააგრძელებს, - ამის შესახებ თბილისის მერიის განცხადებაშია ნათქვამი.
"სააგენტოს ეკიპაჟები კუს ტბის, ვაკის პარკის, ვერის ბაღის, 9 აპრილის ბაღის, მთაწმინდის პარკისა და ბოტანიკური ბაღის ტერიტორიაზე იქნება გადანაწილებული. გარდა ამისა, თბილისში იმოძრავებს ორი ეკიპაჟი, რომელიც ოპერატიულ რეაგირებას მოახდენს მოქალაქეებისგან შემოსულ ზარებზე.
13 ივნისს მომხდარი სტიქიის შემდეგ ცხოველთა მონიტორინგის სააგენტო აქტიურადაა ჩართული ცხოველების მოძიების პროცესში. სტიქიის ღამეს სააგენტოს შესაბამისი სამსახურის ჯგუფები აქტიურად მუშაობდნენ ზოოპარკში და ცხოველთა გადარჩენას ცდილობდნენ. ამ დრომდე ცხოველთა მუნიციპალურ თავშესაფარში რჩება ზოოპარკიდან გადაყვანილი 1 დათვი და 2 ბელი.
გარდა ამისა, სააგენტოს თანამშრომლები ოპერატიულ რეაგირებას ახდენდნენ მოქალაქეებისგან შესულ ზარებზე. დღემდე სააგენტოში შესულია 700-მდე ზარი, საიდანაც სააგენტოს წარმომადგენლებმა რეაგირება ყველა მათგანზე მოახდინეს", - ნათქვამია განცხადებაში.
იხილეთ ყველა სიახლე თემაზე: ტრაგედია ლაგუნა ვერესთან
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
