მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აკაკი ბობოხიძე - ორ გვირაბთან, რომელმაც მთავარი პრობლემა შექმნა, "გიგის გვირაბებს" საერთო არაფერი აქვს
13:03 / 15-06-2015
ორი გვირაბი, რომელმაც მთავარი პრობლემა შექმა, ვაკე-საბურთალოს ახალი საავტომობილო გზის გაყვანამდე არსებობდა, - ამის შესახებ "ინტერპრესნიუსს" "ნაციონალური მოძრაობის" წარმომადგენელმა, დეპუტატმა აკაკი ბობოხიძემ განუცხადა.
დეპუტატი თამარაშვილის ქუჩისა და გმირთა მოედნის მიწისქვეშა გვირაბებზე საუბრობს, რომელიც მდინარე ვერეს გასასვლელად გასული საუკუნის 30-იან წლებში, ბერიას დროს გაკეთდა.
ბობოხიძის თქმით, თამარაშვილის ქუჩისა და გმირთა მოედნის ქვეშ არსებული გვირაბებისა და ვერის ხეობაში აგებული ახალი გვირაბების გამტარუნარიანობა ერთი და იგივეა და არც ერთი ახალი გვირაბით ვერეს გამტარუნარიანობა არ შემცირებულა.
"საქართველოს ხელისუფლება დღეს ვითომ არ საუბრობს "ნაციონალური მოძრაობის" შეცდომაზე, მაგრამ ყველა კომენტარში ხაზს უსვამენ, რომ "როგორც ამბობენ, ეს შეიძლება იყოს ახალი გზის მშენებლობის ბრალი". სადაც სიტყვა "შეიძლებას" ხმარობენ, სულმოკლეობას ნუ გამოიჩენენ, ჯერ პრობლემებს მიხედონ და როდესაც დადგინდება, ამის შემდეგ იმსჯელონ, მომხდარი იყო თუ არა ახალი გზის ბრალი. მე სხვანაირად მინდა დავსვა კითხვა - ახალი გზის გარეშეც ამ მონაკვეთზე ორი გვირაბი უკვე არსებობდა, ჯერ კიდევ 1930-იან წლებში, ბერიას მიერ გაკეთებული. ერთია - გმირთა მოედანზე და მეორე - ვაკე-საბურთალოს გადასასვლელ გზაზე. ამ ორ გვირაბს რას ვუზამდით?! სად შეიქმნა ყველაზე მთავარი პრობლემა?! - ყველაზე მთავარი პრობლემა პირველი გვირაბის ზევით, სვანიძის ქუჩაზე შეიქმნა, სადაც ადამიანების დიდმა ნაწილმა არც იცის, რომ ეს არის 1930-იან წლებში გაკეთებული გვირაბის ზევით. მეორე პრობლემა კი ზოოპარკთან შეიქმნა, სადაც იმის მიუხედავად, ვაკე-საბურთალოს ახალი გზა გაკეთდებოდა თუ არა, გვირაბი მაინც არსებობდა. ამიტომ ვსვამ კითხვას, მომხდარი სტიქიის პირობებში, ამ ორ გვირაბს რას უპირებდნენ, ან რას უპირებნენ იმ ადამიანებს, რომლებიც ვერეს ხეობაში გზის გაყვანამდე ცხოვრობდნენ? ამიტომ როდესაც გადაბრალების პოლიტიკას ვიწყებთ, სჯობს, კარგად დავფიქრდეთ. ორი გვირაბი, რომელმაც მთავარი პრობლემა შექმნა, არსებობდა ჩვენს გარეშე. ეს არის სვანიძის ქუჩის მიმდებარე გვირაბი - თამარაშვილის ქუჩის ქვეშ, სადაც ჩამოწოლილი მეწყერი პირველად "გაიჭედა" და რომელთანაც "გიგის გვირაბებს" საერთო არაფერი აქვს და მეორეა გმირთა მოედნის ქვეშ გვირაბი, რომელთანაც "გიგის გვირაბებს" საერთო არაფერი აქვს. ვსვამ კითხვას, რა მოხდებოდა გმირთა მოედანზე იმ შემთხვევაში, მის ქვეშ მყოფ გვირაბს შეფერხების გარეშე რომ მიწყდომოდა ლაფის, ტალახის და ხეების ის მასა, რომელიც დღეს განაწილებულია ვერეს ხეობაში?!", - განუცხადა "ინტერპრესნიუსს" აკაკი ბობოხიძემ.
ბობოხიძე იმასაც კითხულობს, თუ რატომ არ მოხდა მოსახლეობის წინასწარი ევაკუაცია. "კარგად მახსოვს, ჩვენ რა დღე გვაწია ოპოზიციამ, როდესაც რიკოთზე ანალოგიური სტიქიური უბედურება მოხდა. ლამის ჯვარზე გვაცვეს და პასუხი მოგვთხოვეს იმაზე, ხეობაში სადაც გზა არ შედის და არავინ ცხოვრობს, რატომ არ გავაკეთეთ წინასწარი პრევენცია, რატომ ვერ აღმოვაჩინეთ მეწყრული ზონები და არ გავუშვით წყალი წინასწარ. ახლა მეწყერი ტრასასთან ჩამოწვა და იქნებ წინასწარ ვინმეს მოსვლოდა აზრად ის, რომ მეწყერი და დაგროვილი წყალი აუცილებლად გასკდებოდა, აუცილებლად დაატყდებოდა თბილისს და მანამდე მოეხდინა მოსახლეობის ევაკუაცია. ასეთ შემთხვევაში ამდენი მსხვერპლი უბრალოდ არ იქნებოდა", - აღნიშნა ბობოხიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
