მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისის სტიქიის გმირი: ვინ არის მანუჩარ ინჯგია, რომელმაც 7 ადამიანი სიკვდილისგან იხსნა
03:25 / 15-06-2015
გუშინდელმა სტიქიამ ყველაზე მეტად სვანიძის ქუჩა დააზარალა. ადიდებულმა მდინარე ვერემ თამაზ ელიზბარაშვილის ძაღლების თავშესაფარი წაიღო, დაინგრა სახლები, იყო მხვერპლიც. როგორც ადგილობრივი მოსახლეობა ამბობს, რომ არა მანუჩარ ინჯგია, მსხვერპლი გაცილებით დიდი იქნებოდა. მან ადიდებული მდინარიდან ძაღლები, დატბორილი სახლებიდან კი ბავშვები და მოხუცები გამოიყვანა. სანამ სვანიძის ქუჩაზე მაშველები გამოჩნდებოდნენ, მოსახლეობას სწორედ მანუჩარ ინჯგია უწევდა დახმარებას. მანუჩარის ფოტოები დღეს სოციალურ ქსელში გავრცელდა, მოსახლეობა მას გმირს უწოდებს და გმირული საქციელის გამო მადლობას უხდის. ვინ არის ჩვენი დროის გმირი და როგორ მოხვდა სვანიძის ქუჩაზე, ამის შესახებ თავად მანუჩარ ინჯგია გვიამბობს.
- სამეგრელო-ზემო სვანეთის განსაკუთრებულ დავალებათა დეპარტამენტის უფროსი ლეიტენანტი ვარ. თბილისში მივლინებით ვარ, სვანიძის ქუჩაზე სტუმრად ვიყავი ბიძასთან. როცა წვიმა დაიწყო და მდინარე ადიდდა, გადავწყვიტე ხალხს თავად დავხმარებოდი. ისე უცებ მოხდა ყველაფერი, ვერ გადმოვცემ. ნახევარ საათში აღარ იყო არაფერი სვანიძის ქუჩაზე. ბავშვები და მოხუცების გამოყვანა დავიწყეთ სახლებიდან. ხალხი ფანრებით გვანიშნებდა, რომ დატბორილ სახლში იყვნენ. ზოგი სახლის სახურავზე ავიდა და ისე ცდილობდა გადარჩენას. განსაკუთრებით საშიში მდგომარეობა იყო სვანიძის ქუჩის ბოლოს, ამიტომ ჩავედი და ხალხის გადარჩენა იქედან დავიწყე. განსაკუთრებით ემოციური იყო ჩემთვის მოხუცი ქალის გადარჩენა, რომლის სახლიც წყლით იყო სავსე, ფანჯრები ჩავამტვრიეთ და ისე გამოვიყვანეთ, აღმოჩნდა, რომ სახლში მცირეწლოვანი ბავშვებიც ყავდა დატოვებული და ის ორი ბავშვიც ამოვიყვანეთ. კიდევ კარგი იქ ვიყავი, თორემ ნამდვილად დაიღუპებოდა ის მოხუცი ქალი.
- რამდენი ადამიანის გადარჩენა მოახერხეთ?
- სანამ სამაშველო და პოლიცია მოვიდოდა, 7 ადამიანის გადარჩენა მოვახერხე. შემდეგ უკვე მაშველები შევიდნენ ნავებით და ხალხს აღარ უშვებდნენ.
- ამბობენ, რომ რამდენიმე ძაღლის გადარჩენაც მოახერხეთ...
- მხოლოდ რამდენიმე ძაღლის გადარჩენა მოვახერხე. როცა წყალი მოვარდა, ბავშვების და მოხუცების გამოყვანა დავიწყე, იმ მომენტში მთავარი ეს იყო. სწრაფად განვითარდა მოვლენები, წყალმა წაიღო ყველაფერი, მანქანები, სახლები, ძაღლების თავშესაფარი წყლით იყო სავსე, ბოლოს ძალიან რთული მდგომარეობა იყო და მხოლოდ მაშველები მუშაობდნენ. ახლაც სვანიძის ქუჩაზე ვარ და ბიჭებს ვეხმარები გაწმენდით სამუშაოებში.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
