მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ახლა გაოცებულ-გაოგნებულ მდგომარეობაში ვიმყოფები" - სანდრო ცნობილაძის პირველი კომენტარი არხიდან დათხოვის შემდეგ
03:29 / 11-06-2015
"საზოგადოებრივი მაუწყებლის" გადაწყვეტილებას სანდრო ცნობილაძის არხიდან გათავისუფლების შესახებ, საზოგადოებაში იმაზე მეტი ნეგატიური გამოხმაურება მოჰყვა, ვიდრე თავის დროზე, ცნობილაძის ცნობილ შეცდომას. სპორტულ კომენტატორთან ინტერვიუს "რეზონანსი" აქვეყნებს.
სანდრო ცნობილაძე: ვადასტურებ მედიით გავრცელებულ ინფორმაციას, რომ საზოგადოებრივმა მაუწყებელმა არხიდან გამათავისუფლა.
"რეზონანსი": რა გახდა ამის მიზეზი?
სანდრო ცნობილაძე: ალბათ იცით ჩემი ცნობილი შეცდომის შესახებ, რომელიც საქართველოს და პორტუგალიის მატჩის დროს დავუშვი და გუნდები ამერია ერთმანეთში. ამ შეცდომის გამო არხმა მიიღო რადიკალური გადაწყვეტილება. ეს ჩემთვის აბსოლუტურად მოულოდნელი იყო.
"რეზონანსი": არ გააპროტესტეთ ტელევიზიის გადაწყვეტილება, რომ სხვა სანქცია დაეკისრებინა, მაგრამ არა არხიდან გაშვება?
სანდრო ცნობილაძე: ეს ყველაფერი მოხდა დღეს. სულ ორი საათის წინ (ინტერვიუ ჩაწერიალია 10 ივნისს). 16 საათზე დაიწყო სადისციპლინო კომიტეტის სხდომა, რომელიც საათნახევარში დამთავრდა. ანუ, დრო არ გასულა იმდენი, რომ რაღაც გადაწყვეტილება მიმეღო. შესაბამისად, არ ვიცი, გამოვთქვამ თუ არა რაიმე პროტესტს არხის გადაწყვეტილების გამო. ამ ეტაპზე პროტესტზე ლაპარაკი ზედმეტია.
"რეზონანსი": ანუ თქვენ ეს მედიის საშუალებით გაიგეთ?
სანდრო ცნობილაძე: არა, ტელეკომპანიიდან ჩემმა მეგობრებმა დამირეკეს და სადისციპლინო კომიტეტის გადაწყვეტილება მაცნობეს.
"რეზონანსი": თქვენი საკითხის განხილვა რომ იგეგმებოდა, ეს იცოდით?
სანდრო ცნობილაძე: დიახ, ეს ვიცოდი. მეორე დღესვე მქონდა კონტაქტი საზოგადოებრივი მაუწყებლის წარმომადგენლებთან. ვიცოდი, რომ სადისციპლინო კომიტეტი უნდა შეკრებილიყო და რაღაც გადაწყვეტილება მიეღო. დაახლოებით თარიღიც ვიცოდი, როდის უნდა მომხდარიყო შეკრება.
"რეზონანსი": არხის გადაწყვეტილებას სასამართლოში ხომ არ გაასაჩივრებთ?
სანდრო ცნობილაძე: როგორც უკვე გითხარით, დრო ძალიან ცოტაა გასული, აქედან გამომდინარე ჯერ არავითარი გადაწყვეტილება არ მაქვს მიღებული. ახლა გაოცებულ-გაოგნებულ მდგომარეობაში ვიმყოფები.
ერთი რამე, რაც ზუსტად ვიცი, ის არის, რომ ამიერიდან ჩემს ენერგიას და დროს დავუთმობ საერთაშორისო კომპანია "ჯიდი-თაიმსს", სადაც საზოგადოებრივი მაუწყებლის პარალელურად ვმუშაობდი.
იაგო ნაცვლიშვილი
"რეზონანსი"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
