27
მარტიდღის ზოგადი ასტროლოგიური პროგნოზი
სასამართლოს გადაწყვეტილებით, ლაშა მახარაძის მკვლელობაში ბრალდებულის, გიორგი ოქროპირიძის საქმეს კვლავ ნაფიცი მსაჯულები განიხილავენ.
თბილისის საქალაქო სასამართლოს მოსამართლე ეკა არეშიძემ არ დააკმაყოფილა შუამდგომლობა, რომლითაც პროკურატურა აღნიშნულ საქმეზე ნაფიცი მსაჯულების აცილებას ითხოვდა. პროკურორების მტკიცებით, ნაფიცების პროცესი არღვევს ობიექტური და სამართლიანი სასამართლოს პრინციპებს, რადგან საზოგადოებაში არსებობს განწყობები ამ საქმესთან დაკავშირებით. ბარლდებული გიორგი ოქროპირიძე პროცესზე პროკურატურის შუამდგომლობას გამოეხმაურა და განაცხადა, რომ სურს, საქმე ნაფიცმა მსაჯულებმა განიხილონ.
"მე მოვითხოვ, ნაფიცებმა განიხილონ ჩემი საქმე. რაც შეეხება ლაშა მახარაძის დედის, ნინო დიდებულიძის ხელმოწერებს, ოქროპირიძის ბედი არ უნდა წყდებოდეს მრგვალ ბაღში გამართულ აქციებზე",-განაცხადა ოქროპირიძემ. თბილისის საქალაქო სასმაართლოში დღეს ნაფიცი მსაჯულების შერჩევის პროცესი დაიწყო. შერჩევის პროცედურა დაახლოებით სამი თვე გაგრძელდება.
ნაფიც მსაჯულთა პირველმა შემადგენლობამ გადაწყვეტილება ვერ გამოიტანა. ლაშა მახარაძის დედამ, ნინო დიდებულიძემ მიმართა სახელმწიფოს პირველ პირებს, შეაგროვა ხელმოწერები, რომ საქმეზე გადაწყვეტილება მოსამართლემ გამოიტანოს.
