თურქეთის პრეზიდენტმა მთავრობა დაითხოვა

თურქეთის პრეზიდენტმა რეჯეპ ტაიპ ერდოღანმა ქვეყნის მთავრობა დაითხოვა. "ბი-ბი-სის" ინფორმაციით, მას შემდეგ, რაც ერდოღანის მმართველმა პარტიამ გასულ კვირას გამართული საპარლამენტო არჩევნების შედეგად საპარლამენტო უმრავლესობა დაკარგა, ქვეყანაში ახალი კოალიციური მთავრობა უნდა ჩამოყალიბდეს.

მოსალოდნელია, რომ ერდოღანი მთავრობის ახალი კაბინეტის ფორმირებას პარტია "სამართლიანობისა და განვითარების" ლიდერს აჰმეთ დავუთოღლუს დაავალებს, რომელიც მინისტრთა კაბინეტს 2014 წლის აგვისტოდან ჩაუდგა სათავეში.

ამავდროულად, ოპოზიციური პარტიები აპირებენ, უარყონ ნებისმიერი შეთანხმება მმართველ პარტიასთან და შეეცდებიან შეამცირონ ერდოღანის გავლენა მთავრობაზე. ეს კი, როგორც ვარაუდობენ, კოალიციის შექმნის შესახებ მოლაპარაკებებს გაართულებს.

"ინტერპრესნიუსი"