ძლიერი ქარის შედეგად, თელავის რაიონის სოფელ ქვემო ხოდაშენში, ერთი საცხოვრებელი სახლის ნაწილი ჩამოინგრა.
სტიქიის შედეგად, ახვერდაშვილები ღია ცის ქვეშ დარჩნენ. დაზარალებულების თქმით, წვიმა და ძლიერი ქარი შუაღამისას დაიწყო. სტიქია იმდენად ძლიერი იყო, რომ ორსართულიანი სახლის ნახევარი ჩამოიშალა.
შემთხვევის შედეგად არავინ დაშავებულა. ახვერდაშვილები დახმარებას ითხოვენ. ადგილზე იმყოფებოდა თელავის მუნიციპალიტეტის გამგებელი. ალექსანდრე შათირიშვილის განცხადებით, დაზარალებულებს ადგილობრივი ხელისუფლება დაეხმარება.
