მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რუსეთმა შესაბამისი ფასი უნდა გადაიხადოს იმისათვის, რაც მან ჩაიდინა საქართველოსა და უკრაინაში - თამარ ბერუჩაშვილი
06:25 / 06-06-2015
საქართველოს საგარეო საქმეთა მინისტრმა თამარ ბერუჩაშვილმა მონტენეგროში ვიზიტის ფარგლებში მონაწილეობა მიიღო უსაფრთხოების საკითხებში ყოველწლიურ ფორუმში - TO BE SECURE.
როგორც "ინტერპრესნიუსს" საგარეო საქმეთა სამინისტროდან აცნობეს, უსაფრთხოების ფორუმში ასევე მონაწილეობდნენ მონტენეგროს, ხორვატიის, ბოსნია-ჰერცოგოვინის, ბულგარეთის საგრეო საქმეთა მინისტრები.
კონფერენციის მთავარი თემა ევროატლანტიკური და საერთაშორისო უსაფრთხოება, ნატო-ს წინაშე არსებული გამოწვევები, ბრძოლა საერთაშორისო ტერორიზმთან და ვითარება აღმოსავლეთ ევროპის რეგიონში, უკრაინის კრიზისი და მისი დაძლევის გზები იყო.
საქართველოს საგარეო საქმეთა მინისტრმა კონფერენციის ფარგლებში მონაწილეობა მიიღო დისკუსიაში უკრაინის კრიზისზე, სადაც რუმინეთის საგარეო საქმეთა მინისტრის მოადგილესთან, საერთაშორისო ანალიტიკური ორგანიზაციების ექსპერტებთან ერთად განიხილავდნენ უკრაინაში შექმნილ ვითარებას, კრიზისის მოგვარების გზებს, მის გავლენას ევროპულ და გლობალურ უსაფრთხოებაზე, ასევე იმ აუცილებელ ნაბიჯებს რაც უნდა გადაიდგას საერთაშორისო თანამეგობრობის მხრიდან რუსეთის შემდგომი აგრესიის შესაჩერებლად.
საგარეო უწყების ინფორმაციით, საკუთარ გამოსვლაში საქართველოს საგარეო საქმეთა მინისტრმა უკრაინასა და ზოგადად, რეგიონში არსებული ვითარების მოგვარების გზებზე საუბრისას ხაზი გაუსვა დასავლეთის ერთიანი და მტკიცე პოზიციის არსებობის მნიშვნელობას.
"რუსეთმა შესაბამისი ფასი უნდა გადაიხადოს იმისათვის, რაც მან ჩაიდინა საქართველოსა და უკრაინაში. საჭიროა დასავლეთის ერთიანი, მტკიცე და პერმანენტული პოზიცია, მხარდაჭერა იმ ქვეყნების, ვინც გააკეთეს თავისი სუვერენული არჩევანი და რის გამოც ისინი, ფაქტობრივად, ისჯებიან", - განაცხადა ბერუჩაშვილმა.
საგარეო საქმეთა სამინისტროს ინფორმაციით, რუსეთის აგრესიული პოლიტიკის განხილვისას დიკუსიის მონაწილეებმა 2008 წლის ომი გაიხსენეს, აღინიშნა, რომ უკრაინის კრიზისი სწორედ 2008 წლის ომის შედეგების გაგრძელებაა, რადგან, სამწუხაროდ, მაშინ საერთაშორისო თანამეგობრობამ მოსკოვის აგრესიაზე შესაბამისი რეაგირება არ მოახდინა.
2008 წლის აგვისტოს ომზე ყურადღება გაამახვილა საქართველოს საგარეო საქმეთა მინისტრმა. საგარეო საქმეთა მინისტრმა რუსეთის ანექსიური პოლიტიკის გაგრძელებად მოიყვანა აფხაზეთისა და ცხინვალის საოკუპაციო რეჟიმებთან რუსეთის მიერ გაფორმებული ე.წ. ხელშეკრულებები.
"უკრაინაში მიმდინარე პროცესები, ყველა კომპონენტის გათვალისწინებით ჰიბრიდული ომი გახლავთ, საერთაშორისო სამართალი დიდი გამოწვევის წინაშე დგას. ეს არის გამოწვევა ევროპული უსაფრთხოებისა, რაც მნიშვნელოვანია იმ ქვეყნებისათვის რომლებიც ევროპული და ევროატლანტიკური სივრცეებისკენ მიისწრაფვიან. მინდა შეგახსენოთ, რომ უკრაინა არ არის ცალკეული შემთხვევა. რუსეთმა ყველაფერი გააკეთა ჯერ კიდევ 90-იან წლებში საქართველოში წამოიწყო კონფლიქტების სახით აფხაზეთსა და სამხრეთ ოსეთში. 2008 წელს კი საქართველო-რუსეთს შორის ღია ფართომასშტაბიან ომს ჰქონდა ადგილი, რამაც ჩვენი ტერიტორიის 20%-ის ოკუპაცია გამოიწვია. სამწუხაროდ, მაშინ საერთაშორისო თანამეგობრობამ სათანადოდ ვერ შეაფასა ვითარება, ამიტომ დღეს სახეზე გვაქვს ე.წ. ხელშეკრულებები აფხაზეთის და სამხრეთ ოსეთის სეპარატისტურ რეჟიმებთან ასოცირებასა და ინტეგრაციაზე. ეს კი წარმოადგენს პირდაპირ ანექსიას სუვერენული საქართველოს ტერიტორიებისა, რაც ყირიმის ანექსიის შემდეგ დაიწყო და იმ პროცესების გაგრძელებაა, რასაც რუსეთის მიერ ძველი გავლენის სფეროების აღდგენა ეწოდება.
ამით რუსეთი სჯის იმ ქვეყნებს, რომელთა არჩევანიც ორიენტირებულია საგარეო პოლიტიკის თავისუფალ არჩევანზე. ქართველმა და უკრაინელმა ხალხმა გააკეთა თავისი არჩევანი და მათი არჩევანი არის ღირებულებებზე და საერთაშორისო სამართალზე დაფუძნებული ევროპული და ევროატლანტიკური საზოგადოება. ეს არჩევანი არავის წინააღმდეგ არ გაკეთებულა. არავის არ ააქვს უფლება ამ არჩევანს ვეტო დაადოს. ეს არის ერთადერთი შესაძლებლობა, რომ გაფართოვდეს დემოკრატიის, მშვიდობის და კეთილდღეობის სივრცე რეგიონში. ამიტომ ღია კარის პოლიტიკა უზომოდ მნიშვნელოვანია და ყველა იმ ქვეყანას რომელსაც შეუძლია, აქვს სურვილი და არ იშურებენ ძალისხმევას უნდა მიეცეს არჩეული მიმართულებით წასვლის საშუალება", - განაცხდა ბერუჩაშვილმა.
საგარეო უწყების ინფორმაციით, TO BE SECURE - მაღალი დონის უსაფრთხოების ფორუმია, რომელიც მონტენეგროში ყოველ წელს იმართება და უსაფრთხოებისა და გლობალური პოლიტიკის საკითხებზე მომუშავე საერთაშორისო ექსპერტებს, პოლიტიკოსებს და მთავრობის წარმომადგენლებს აერთიანებს.
ღონისძიების ორგანიზატორია მონტენეგროს ატლანტიკური საბჭო. 2015 წლის ფორუმი მონტენეგროს პრემიერ-მინისტრმა მირო დუკანოვიჩმა გახსნა.
სიახლე!თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახლეები თავსდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
