თინა ხიდაშელი - დავით თევზაძე ერთ-ერთ კონფერენციაზე ჩემგან ზურგით დადგა

თავდაცვის მინისტრი თინა ხიდაშელი თავდაცვის ყოფილი მინისტრებიდან ირაკლი ალასანიას გარდა, ირაკლი ოქრუაშვილსა და დავით სიხარულიძესაც შეხვდა, - ამის შესახებ მან "პალიტრა TV"-ის გადაცემა "რეზიუმეში" განაცხადა.

ხიდაშელის თქმით, ის ერთ-ერთ კონფერენციაზე დავით თევზაძესაც შეხვდა, რომელიც მისგან "ზურგით დადგა".

"მე მას ვუთხარი, პირველი განცხადება, რაც გავაკეთე, იყო ის, რომ ხელი გავუწოდე აბსოლუტურად ყველა ყოფილ მინისტრს, გარდა იმ პირებისა, რომლებიც სასჯელაღსრულების დაწესებულებაში იმყოფებიან. ამ გზით მინდოდა იმ გამოცდილების, ცოდნის, განსაკუთრებით ხარვეზების ცოდნის გაზიარება, რაც მათ აქვთ. ის ზურგით დადგა ჩემგან. ვინმესგან რამეს კი არ ვითხოვ და კი არ დავაძალებ, ეს მისი გადაწყვეტილებაა და შეუძლია იდგეს ზურგით, მე პრობლემა არ მაქვს, მაგრამ თუ გადაწყვეტს, რომ შეუძლია ქალ, 21-ე საუკუნის პოლიტიკოს თავდაცვის მინისტრთან ურთიერთობა, მასთან ურთიერთობას დავიწყებ", - განაცხადა თინა ხედაშელმა.