13
ივლისიდღის ზოგადი ასტროლოგიური პროგნოზი
ხშირ შემთხვევაში დაავადებებს, რომლებიც ერთი შეხედვით არც ისე რთული და მტკივნეულია, ყურადღებას არ ვაქცევთ. ვფიქრობთ, რომ დროთა განმავლობაში გაივლის, თუმცა შესაძლოა, ყველაფერი პირიქით მოხდეს და მსუბუქმა დაავადებამ მძიმე შედეგამდე მიგვიყვანოს...
მტვრევადი, გაფუჭებული თმა, თმის ცვენა, სახეზე და ხელებზე კანის აქერცვლა, ორად გაყოფილი ფრჩხილები - ამ სიმპტომებს ზოგიერთი ყურადღებას არ აქცევს, თუმცა შესაძლოა, ჩვენმა უყურადღებობამ კანის მძიმე დაავადებებამდე მიგვიყვანოს. დერმატო-ვენეროლოგ თინა ქიტუაშვილის თქმით, საქართველოში ხშირია კანის სოკოვანი დაავადებები:
"სოკოვანი დაავადებები საკმაოდ ბევრია, განსაკუთრებით ხშირია მოსახლეობის ტერფის მიკოზით ავადობა, რაც ფეხის თითებს შუა ქავილითა და აქერცვლით გამოიხატება. შეიძლება თან სიწითლეც ახლდეს. ეს დაავადება უფრო მწვავდება ზაფხულის პერიოდში და მოჭარბებული ქავილის გამო კანი შეიძლება გაღიზიანდეს და შემაწუხებელი გახდეს.
განსაკუთრებით აღსანიშნავია, რომ ტერფის მიკოზი, რომელიც ხანგრძლივად მიმდინარეობს, ფრჩხილზეც ვრცელდება ხოლმე და ფრჩხილის სოკოვან დაზიანებას - ონიქომიკოზს იწვევს", - ამბობს დერმატოლოგი და მოსახლეობას ურჩევს, რომ იმ შემთხვევაში, თუ მსგავსი სიმპტომები დროთა განმავლობაში არ გაივლის, ექიმს მიმართონ.
ჩიყვი კონკრეტულ დაავადებას არ გულისხმობს. ეს არის ფარისებრი ჯირკვლის გადიდება, რომელიც უმეტესად ქალებში ვლინდება.
ფარისებრი ჯირკვლის დაავადებების სხვადასხვა ფორმა არსებობს, შეიძლება ფარისებრი ჯირკვალი გადიდებული იყოს და დაავადებული იყო, მაგრამ შეიძლება ფარისებრი ჯირკვლის ძალიან რთული ავადმყოფობა გქონდეს, მაგრამ გადიდებული არ იყოს, ანუ არ იყოს ჩიყვი. ჩიყვი ორგანიზმში იოდის დეფიციტით არის გამოწვეული, საქართველო კი იოდდეფიციტთა ქვეყნების ჩამონათვალშია.
ფარისებრი ჯირკვლის ავამდყოფობისას ზოგიერთ შემთხვევაში გვხდება სპეციფიური გამოვლინება და ზოგიერთ შემთხვევაში ზოგადი ხასიათის გამოვლინება. მაგალითად, ადამიანი, რომელიც წონაში იკლებს, აღენიშნება ოფლიანობა, კანკალი, საერთო სისუსტე, ასეთი რამ ტოქსიკური ჩიყვისთვისაა დამახასიათებელი და შეიძლება პაციენტს სწორედ ეს დაავადება სჭირდეს.
თუმცა, ძალიან ხშირად შეიძლება იყოს ცალკეული სიმპტომები. შეიძლება პაციენტმა წონაში დაიკლო, მაგრამ დაიკლო იმიტომ, რომ საჭმელს ვერ ან არ ჭამს, შეიძლება ოფლიანობა ჰქონდეს, მაგრამ ჰქონდეს იმიტომ, რომ ნერვოზი აქვს, ჰქონდეს გულის აჩქარება, მაგრამ, იმიტომ, რომ აქაც პრობლემა ვეგეტონერვოზი იყოს, ასე რომ, სიმპტომები არის სპეციფიური და არის ზოგადი ხასიათის, თუმცა ასეთი სიმპტომების არსებობის შემთხვევაში ექიმის გამოკვლევა აუცილებელია.
თანამედროვე მსოფლიოს პრობლემა ახლომხედველობაა, რომელიც გენეტიკურთან ერთად შესაძლებელია, შეძენილიც იყოს და თუ ყურადღება დროულად არ მივაქციეთ, მოგვიწიოს ლინზების, სათვალის ტარება ან ამ პრობლემის ქირურგიულად მოგვარება.
ოფთალმოლოგი მაია ბერაია, მიოპიის ანუ ახლომხედველობის გამომწვევ მეთოდებსა და პრობლემის გადაწყვეტის გზებზე გვესაუბრა:
"უამრავი რისკ-ფაქტორია, რაც თვალებში მინუსის განვითარებას იწვევს. პირველ რიგში აღსანიშნავია კვება, თუ რას მივირთმევთ, მით უმეტეს, საყურადღებოა ბავშვების კვების რეჟიმი. მათ უნდა მიიღონ ვიტამინიზირებული, კალციუმით მდიდარი საკვები, რომ მინუსის ზრდა შემცირდეს.
დღეს ძალიან ბევრი ადამიანი დროს კომპიუტერთან ატარებს, არ გადის გარეთ ჰაერზე, რაც ძალიან ცუდია. დიდი მნიშვნელობა აქვს იმასაც, რომ როდესაც ადამიანს მიოპია სჭირს, ანუ ახლომხედველია, ვურჩევთ, რომ სახლში კი არ ისხდნენ, გარეთ ისეირნონ ჰაერზე, ესეც კი გარკვეული სახის ვარჯიშია, როდესაც გარემოს უყურებ", - ამბობს მაია ბერაია.
დღეს კონტაქტურ ლინზებს ზოგიერთი სამკურნალო დანიშნულებისთვის იყენებს, ზოგი კი ესთეტიკისთვის. ლინზების არასწორმა შერჩევამ და ხმარებამ შესაძლოა, თვალის სერიოზული დაავადება, კერატიტი (რქოვანას ანთება) გამოიწვიოს.
ნებისმიერმა პაციენტმა, რომელიც კონტაქტურ ლინზას ატარებს და თვალის მხრივ ჩივილები აქვს, აუცილებელად უნდა მიმართოს ოფთალმოლოგს. ასეთ პაციენტებს შორის საკმაოდ მაღალია რქოვანას დაზიანების ალბათობა და მხედველობის დაქვეითება.
თუკი ლინზის სასტერილიზაციო სითხეში ჩადება დაგავიწყდათ და გამოგიშრათ, გადააგდეთ. ლინზების ტარებისას არ არის რეკომენდებული კვამლით გაჟღენთილ, მტვრიან შენობაში ხანგრძლივად ყოფნა, ლინზები უმჯობესია მაკიაჟის წასმამდე მოირგოთ. ლინზების შესანახი კონტეინერი მუდამ სუფთა უნდა იყოს, სასურველია, ის წელიწადში 3-4-ჯერ მაინც გამოცვალოთ.
თაკო ესებუა, AMBEBI.GE
