"ტკივილთან გასამკლავებლად 12 სხვადასხვა წამალს ერთ ჯერზე იღებდა" - პრეზიდენტ ჯონ კენედის ჯანმრთელობის გასაიდუმლოებული პრობლემები

პრეზიდენტ ჯონ კენედის სამედიცინო ჩანაწერების მიხედვით, ის ბავშვობიდან ჯანმრთელობის პრობლემებით იტანჯებოდა და დიდი რაოდენობით წამლებს იღებდა, მათ შორის ტკივილგამაყუჩებლებსა და სტიმულატორებს. ისტორიკოსი, რომელმაც მისი სამედიცინო ჩანაწერები შეისწავლა, გაოცებული დარჩა იმ პრობლემების ჩამონათვალით, რაც პრეზიდენტს აწუხებდა.

როგორც კვლევების შედეგად გახდა ცნობილი, კენედი კოლიტით, პროსტატითა და ედისონის დაავადებით იტანჯებოდა. გარდა ამისა, მას ჰქონდა ოსტეოპოროზი, რაც მოძრაობაში  უშლიდა ხელს. ტკივილთან გასამკლავებლად კენედი 12 სხვადასხვა წამალს ერთ ჯერზე იღებდა და კიდევ უფრო მეტს,  სტრესულ სიტუაციებში.

მის მედიკამენტებში იყო კოდეინი, დიმეროლი, მეტადონი ტივილის გასაყუჩებლად, რიტალინი, მეპრობატამინი, ლიბრიუმი, ძილის წამლები, თირეოიდული ჰორმონები და ინექციები სისხლში ჰემოგლობინის დასარეულირებლად და ინფეციებთან საბრძოლველად.

წამლებს ხშირად უკუჩვენებები ჰქონდათ, რაც უხასიათობასა და ზოგჯერ დეპრესიაში გამოიხატებოდა. ამის საწინააღმდეგოდ, კენედი კიდევ დამატებით წამლებს იღბდა. "მე დეტალურად შევისწავლე ყველა მისი გადადგმული ნაბიჯი კრიზისულ პერიოდებში და გავოცდი, იმდენად ეფექტურად მოქმედებდა ადამიანი, რომელიც წყალზე ხშირად მედიკამენტებს აწვდიდა ორგანიზმს" - აცხადებს კენედის ბიოგრაფი რობერტ დალეკი.

კენედი და მისი ახლო წრე ძალიან ბევრს ცდილობდა მისი ჯანმრთელობის პრობლემების შესახებ საზოგადოებას არ შეეტყო, რადგან ეშინოდათ, ეს მის პოლიტიკურ კარიერას დაასრულებდა.

"კენედის ეშინოდა, რომ მისი ჯანმრთელობის პრობლემების გამო საპრეზიდენტო არჩევნებზე ამომრჩეველი ნიქსონს მიანიჭებდა უპირატესობას".

დალეკი ამბობს, რომ კორსეტმა, რომელსაც კენედი ზურგის ტკივილებთან გასამკლავებლად ატარებდა, იგი ლი ჰარვი ოსვალდისთვის იდეალურ სამიზნედ აქცია. კენედის ზურგი იდეალურად გამართული იყო, რაც მის თავს და კისერს ერთ პოზიციაში ამყოფებდა და ტყვიისთვის იდეალურ სამიზნეს ხდიდა.

მომზადებულია abcnews.go.com-ს მიხედვით.