მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თუ ნაგავში იხრჩობით, შემოგვიერთდით, ჩვენ უფრო მეტნი უნდა ვიყოთ!
08:26 / 02-06-2015
ნაგვის უადგილო ადგილზე დაყრა ერთ-ერთი დაუძლეველი პრობლემაა, რომელიც ყველას გვაწუხებს, მაგრამ ამისთვის კონკრეტულად ცოტა რამ თუ კეთდება. გარემო ნაგავს მიაქვს. რატომღაც ბევრს ეთაკილება, თუნდაც პატარა პიკნიკის შემდეგ, მორჩენილ ნაგავს ხელი მოჰკიდოს, ცელოფანის პარკში გამოჰკრას და უახლოეს სანაგვე ყუთამდე მიიტანოს... არადა, სადარბაზოები, ეზოები, კულტურულ-ისტორიული ძეგლები, ტყეები ნაგვით აივსო... ისე, არც სადარბაზოს გამოგვითა და სხვისი დაყრილი ნაგვის აღებით დაკარგავს ვინმე თანამდებობასა თუ გვარიშვილობას. და თუკი ეს საქციელი ნელ-ნელა ჩვევაშიც გადავა, ალბათ, ამ სენსაც დავძლევთ.
ფოტოხელოვანმა გოგა ჩანადირმა ამ საქმეს 12 მაისს ხელი სერიოზულად მოჰკიდა და წამოიწყო აქცია - "ნაგავი ყველამ ჩავყაროთ"... უნდა ვთქვათ, რომ აქციაში ბევრი ადამიანი ერთვება როგორც რეგიონიდან, ისე - დედაქალაქიდან. სანაგვე ყუთამდე მიაქვთ ნაგავი და ამის ამსახველ ფოტომასალას "ფეისბუქზეც" ტვირთავენ.
კარგი იქნება, თუ ეს ყველაფერი შედეგს გამოიღებს და ადამიანები ოდესმე მაინც მიხვდებიან, რომ ნაგავი სანაგვე ყუთის გარდა სხვაგან არ დაყარონ...
გოგა ჩანადირი:
- ნაგავი ყველამ ჩავყაროთ, რადგანაც ყველანი ამ საზოგადოების წევრები ვართ. ჩავყაროთ ნაგავი სანაგვე ყუთში ყველგან - სახლის მახლობლად, სადარბაზოში, ეზოში, ქუჩაში, კულტურულ-ისტორიულ ძეგლებთან... ეს ყველაფერი ასაკსაც არ ითვალისწინებს, არც სქესს და წარმომავლობას, ეროვნებას, - ეს ყველას საქმეა და ყველას ეხება. მგონი, უფრო მეტი სირცხვილი დანაგვიანებულ გარემოში ცხოვრებაა, ვიდრე ქუჩაში გადაგდებული ნაგვის აღება და სანაგვე ყუთში ჩაგდება. სირცხვილი არ არის სადარბაზოდან ნაგვის გატანისას, იქვე, თუნდაც სხვისი დაგდებული ნაგვის აღება, გზად მისი გაყოლება. ეს იქნება სიგარეტის, ასანთის კოლოფი. ძალიან მინდა, რომ ამ საქმეში ბავშვები ჩაერთონ და ეს მათთვის მიღებული ფორმა გახდეს.
- ამ აქციის ორგანიზატორი, ისევე როგორც "ბარბარიზმების" საწინააღმდეგოდ მიმართული აქციისა, შენ ხარ...
- კი, "ნაგავი ყველამ ჩავყაროთ" ერთი თვე არც არის, რაც დავიწყეთ, მაგრამ დიდი ხანია მინდოდა მისი დაწყება. "ბარბარიზმები" რომ არ დაჯახებოდა, ამიტომ ცოტა მოგვიანებით წამოვიწყე.- რაიმე შედეგი თუ გვაქვს?
- ბევრისთვის ლაშქრობებზე სიარული ბევრად მსუბუქი და ადვილი გახდა, რადგან იქაურობის დასუფთავება ხდება. ადამიანებს იქიდან უკან მოაქვთ ნაგავი და სანაგვე ყუთებში ყრიან...- შეიძლება ითქვას, რომ პროექტს სოციალური ქსელის საშუალებით ახორციელებ...
- ნაგვის შეგროვება და სანაგვემდე მიტანა აქამდე, წლების მანძილზე ჩემი და ჩემი მეგობრების საქმე იყო, ამას ჩვენით სულ ვაკეთებდით, ახლა ჩვენი მიზანია ამ საქმეში ბევრი ადამიანი ჩაერთოს. ამისთვის კი სოციალური ქსელი, კერძოდ, "ფეისბუქი" კარგი საშუალებაა. უფრო მეტ ადამიანს გავაგებინებთ, რომ ნაგავი ჩავყაროთ სანაგვე ყუთში. სასიხარულოა, რომ ბევრი ადამიანი შემოგვიერთდა. ამას იმიტომ ვაკეთებთ, რომ ეს პრობლემა ძალიან გვაწუხებს. გვინდა, რომ ადამიანები მიხვდნენ, რომ ეს საქციელი სულაც არ არის სათაკილო. უბრალოდ, აიღონ ნაგავი და და ჩააგდონ სანაგვეში. საქეიფოდ თუ საპიკნიკოდ რომ მიდიან, იქ ნაგავს ნუ დატოვებენ, შეაგროვონ და მიიტანონ სანაგვემდე...- როგორც ვატყობ, ადამიანები ამ საქმეში აქტიურად არიან ჩართულები და "ფეისბუქზე" არაერთი ფოტო იდება. აქციაში ჩართულები არიან როგორც რეგიონებიდან, ისე დედაქალაქიდან. აქ მნიშვნელოვანია, რომ აქცია მხოლოდ ფოტოს გადასაღებად არ ჩატარდეს...
- შეიძლება ფოტო ვიღაცამ მართლაც ფოტოსთვის გადაიღოს, მაგრამ ამას საბოლოოდ მივყავართ იქითკენ, რომ უფრო მეტი ადამიანი გაიგებს ამას და აქციაში ჩაერთვება. ფოტოს თავისთავად დიდი შესაძლებლობა აქვს, ადამიანებს დაამახსოვროს ამბავი და მიაწოდოს შესაბამისი ინფორმაცია. "ფეისბუქზე" გამოქვეყნებული თემების 80 პროცენტი არის ფოტო და ვიდეო. 20 პროცენტს კი ტექსტი იკავებს. იმიტომ, რომ ადამიანებს ფოტოთი ურჩევნიათ ინფორმაციის მიღება... ფოტოებს იქითკენ მივყავართ, რომ ვიღაცას, ვინც ჯერ კიდევ არ არის იმისთვის მზად, რომ ნაგავი ყუთში ჩაყაროს, დაამახსოვრებინებს თავს. ყველაფერს ცნობიერში გადაუყვანს, რომ ნაგავი სანაგვეში ჩაყაროს და არ დაყაროს ვთქვათ, ბუნებაში. მოკლედ, ფოტო ფოტოსთვისაც თუ იქნება, ბევრი ადამიანისთვის სამაგალითო გახდება. ვიღაც ხომ ახლა სწავლობს სამოქალაქო ფასეულობებს.- ეს აქცია რა პერიოდი გაგრძელდება?
- ვფიქრობ, რომ სულ გაგრძელდება, ვიდრე საქართველოს მოქალაქეებისთვის ეს ჩვეულებრივი საქციელი არ გახდება. ეს ევროპის ქალაქებისთვის პრობლემა არ არის და არც ასეთი აქციის ჩატარების საჭიროებაა.
ჩვენი აქციის ფარგლებში სულ არ მინდა, რომ ვინმე გავკიცხოთ, ანუ ადამიანები, რომლებიც ნაგავს უადგილო ადგილებში ყრიან. მათ უხეშად არ მოვიხსენიებთ. უბრალოდ, მათ არ იციან, რომ ნაგავი სანაგვეში უნდა ჩაიყაროს.
- ეს ხომ ელემენტარულია?
- კი, მაგრამ ეს იგივეა, ჩინური არ მასწავლო და მერე მისაყვედურო, რატომ არ იციო. როცა მასწავლი ჩინურს და არ მეცოდინება, მაშინ შეიძლება გამლანძღო. ასევეა ესეც, ამ ადამიანებმა ჯერ უნდა ისწავლონ, გააცნობიერონ ამ ყველაფრის უარყოფითი მხარე. ჩვეულებრივი ამბავია. ჩვენი თვითმიზანია, რომ ეს ყველაფერი ჩვევაშიც გადავიყვანოთ.
- გადავიყვანთ?
- კი, აუცილებლად, ერთი თვის წინ სხვა სურათი იყო და დღეს სხვა სურათია. დაჩქარდება ეს პროცესი, რადგან სულ უფრო მეტი ადამიანი მონაწილეობს.
მაგალითად, მოლაშქრეები არასდროს ტოვებენ ნაგავს მთაში, უკან მოაქვთ. მათ სხვისი დატოვებული ნაგავიც ჩამოაქვთ იქიდან. ეს დღესაც ასეა და აქამდეც ასე იყო. "კარაველები," მოლაშქრეთა ფედერაცია საერთოდ, ამ საქციელით გამოირჩევა.
ამ ყველაფრის გარეშე ევროპა არ მიგვიღებს. ასევე მძიმე თემაა საპირფარეშოების საკითხიც. ჩვენი ცხოვრებით უნდა დავაინტერესოთ ევროპა, მე მინდა ვიყო ევროპაში...
Ambebi.ge უერთდება აქციას და მკითხველს გააქტიურებასა და მასში ჩართვისკენ მოუწოდებს.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
