რესტავრაცია თუ ბარბაროსობა? - რატომ მოიხსნა ჭრელი აბანოს გუმბათები

ფეისბუქ-გვერდი "ტიფლის ჰამქარი" ჭრელი აბანოების მოხსნილი გუმბათების სურათებს აქვეყნებს, რომლებიც სარესტავრაციოდ დაშალეს:

"ამ ქალაქს პატრონი არ ჰყავს! ამ ქალაქში არქიტექტორი მგრეველია!

აქ რესტავრაციას არ ცნობენ! რატომ მოიხსნა ჭრელი აბანოს გუმბათები?! რატომ უნდა გამოიცვალოს გუმბათის ბაზისები?! გამოქარულია და ახლით შეიცვლებაო. მცხეთის ჯვრის პერანგიც გამოქარულია, შევცვალოთ?! რატომ მოიხსნა გუმბათზე შორენკეცები?! რატომ........! 2015წ. მაისი" - ნათქვამია სტატუსში.

აღსანიშნავია, რომ დღემდე შემორჩენილი აბანოთა უმრავლესობა XVII-XVIII საუკუნეებში ირანული არქიტექტურის გავლენითაა შექმნილი და მერმინდელ სეიდაბადშია თავმოყრილი, ბოტანიკური ბაღის აღმართის დასაწყისში. რის გამოც, ამ ადგილს აბანოთუბანი ეწოდა.