მნიშვნელოვანი ინფორმაცია
11
ივნისიდღის ზოგადი ასტროლოგიური პროგნოზი
მთვარის მეთექვსმეტე დღე დაიწყება 23:24-ზე, მთვარე მშვილდოსანშია – შეინარჩუნეთ ბალანსი. კარგია ვარჯიში. სასარგებლოა ყველაფრის გაწმენდა, მოწესრიგება. დაასრულეთ დაუსრულებელი დავალებები. კარგია მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ცხოველური საკვების, სოკოსა და პარკოსნების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დედაჩემის გარდერობს ვიყენებ, მისი შარვალიც კი ჩამიცვამს და კაბაც მომირგია" - ინტერნეტ-ვარსკვლავად ქცეული გიორგი ქისტაურის კადრსმიღმა ცხოვრება
23:17 / 20-05-2015
გიორგი ქისტაური, რომელიც მასობრივად მეგაშოუ "ნიჭიერით" გაიცვნეს, სოციალურ ქსელში ძალიან აქტიურია, იქამდე, რომ "ფეისბუქზე" ლამის თავის სტუდია აქვს შექმნილი და ამ ფორმით ურთიერთობს თავის მაყურებელთან და გულშემატკივრებთან.
გიორგის ამ ეტაპზე, ოჯახთან ერთად, ბელგიაში უწევს ცხოვრება და როგორც ამბობს, პარალელურ რეჟიმში იქ უცხო ენის შესწავლა უწევს, სექტემბრისთვის ნორმალურ, სტანდარტულ სკოლაში რომ გადავიდეს.
თუმცა ისეთი აქტიურია, რომ საერთოდ არც იგრძნობა, რომ ამჟამად საქართველოში არ უწევს ცხოვრება. ფეხდაფეხ მიჰყვება ჩვენს ტელეშოუებს, საიდანაც სახასიათო პერსონაჟებს არჩევს და მათ პაროდიებს, ანუ სპეციალურ ნომრებს მალევე ამზადებს.
ისიც უნდა ითქვას, რომ საკმაოდ ბევრი მაყურებელი ჰყავს... ჩვენ მას ბელგიაში დავუკავშირდით.
- მგონი, უკვე სერიოზულ საქმიანობად გექცა ამა თუ იმ ცნობილი ადამიანის პაროდიის გაკეთება.
- ხო და ეს ყველაფერი თავიდან ძალიან სპონტანურად მოხდა. პირველად თავზე უბრალოდ ქერა პარიკი დავიმხე. მეგობარმა მითხრა, - ნუკი კოშკელიშვილს გავხარ და მასზე გადაიღე რამეო. ასეც მოვიქეცი. ჩემი ნამუშევარი ხალხს მოეწონა და ამიტომაც განვაგრძე პაროდიები.
- დღეს კი უკვე ერთი პაროდისტის "ინტერნეტსტუდია" გაქვს, რომელიც მუდმივად რაღაც ახლის ძიებაშია. ხომ არ გიფიქრია, ამ სტუდიას სახელიც დაარქვა?
- არა, სახელის დარქმევა მხოლოდ იმ შემთხვევაში მოხდება თუ საკუთარი გადაცემა მექნება.
- რამდენ ხანში აკეთებ თუ ამზადებ ამა თუ იმ პიროვნების ნომერს, ანუ იმიტაციას. საერთოდ, რა გაძლევს ამისთვის სტიმულს?
- ბანალური ნათქვამი გამომივა, მაგრამ მართლა ასეა, ჯერ პერსონაჟის ფოტოს ვნახულობ, შემეგ ვუყურებ ერთხელ ამა თუ იმ გამოსვლას და მერე ვაკეთებ პაროდიას. მაკიაჟიან, მიმიკიან, ხმის ტემბრიანად, მოსამზადებლად ნახევარი საათიც არ მინა.
- ყოველთვის კოსტიუმირებულია ეს ყველაფერი, სად და როგორ შოულობ ისე მალე იმ ნომრისთვის შესაფერის სამოსს?
- როგორი გასაკვირი უნდა იყოს, დედაჩემის გარდერობს ვიყენებ, მისი შარვალიც კი ჩამიცვამს და კაბაც მომირგია, ასევე მეგობრის ტანსაცმელიც...
- მგონი, ყოველდღიურად ახალ სახეს ქმნი. არ გღლის ეს პროცესი?
- არა, თქვენ ხომ ჟურნალისტი ხართ და ყოველთვის სიახლეს სთავაზობთ მკითხველს, აი, მე მსახიობი ვარ და მუდმივად ახალ თემები მინდა, რომ მაყურებელს შევთავაზო.
- შენი გასახიერებული პერსონაჟებიდან უმეტესობა ქალია. რატომ?
- ქალები იმიტომ ჭარბობს, რომ უფრო საინტერესო სახეები გამოდის და ამასთან, რეიტინგულიც. თან, საზოგადოება მათ უფრო განიხილავს ხოლმე.
- მგონი, თამთა გოდუაძის პაროდიაზე თქვი, რომ ის ყველაზე საყვარელი გამოგივიდა.
- არ მახსოვს, თამთაზე ეგ როდის ვთქვი, პირიქით, თამთას პაროდია ყველაზე სუსტი იყო, გარეგნულად კი ყველაზე ძლიერი...
- მაია ასათიანის სახის შექმნა რატომ ვერ შეძელი?
- სიცხე მქონდა (39 გრადუსი), თავი და ყელი მტკიოდა, ალბათ ამიტომაც არ გამოვიდა, მაგრამ მაგასაც გადავიღებ.
- თითოეული ნამუშევარი რას ნიშნავს შენთვის?
- თითოეული ნომერი ჩემთვის ძალიან მნიშვნელოვანია. ამით არც არაფერს ვამბობ და ვამტკიცებ. უბრალოდ, მინდა, ვიყო შემდგარი ტელეწამყვანი, მსახიობი, რაც ჯერ ვერ თუ არ გამომდის.
ლალი ფაცია
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
