ზოგი მიიჩნევს, რომ მამაკაცი მაიმუნზე ოდნავ ლამაზი უნდა იყოს, მაგრამ ზოგს ბევრად "პრეტენზიული" მიდგომები აქვს. სილამაზე სუბიექტური აღქმაა და მისდამი სხვადასხვა ქვეყანაში სხვადასხვა სტანდარტი აქვთ.
ბოლო დღეებია, ბევრ უცხოურ საიტზე გამოჩნდა სტატია, რომელშიც სხვადასხვა ქვეყნის ლამაზი მამაკაცის სტანდარტზეა საუბარი. წარმოგიდგენთ ამ სტატიას და ვიმედოვნებთ, რომ ქართველი გოგონების ჩართულობით ქართველი მამაკაცის სილამაზის სტანდარტიც გამოიკვეთება.
ამერიკა
ამერიკელებისთვის იდეალური მამაკაცის აღნაგობა ასო "V"-ს ფორმის ფიგურაა - ფართე ტორსი, ბეჭები, განვითარებული და გამოკვეთილი გულ-მკერდის კუნთები. ბოლო პერიოდში უფრო მეტად თეთრ მამაკაცებს წყალობენ ისეთი დამატებითი შტრიხებით, როგორებიცაა წვერი და პერანგი.
მექსიკა
მექსიკაში კვლავ ერთგვარი შოვინისტური დამოკიდებულება აქვთ და მხოლოდ სტერეოტიპულ მაჩოს აღიარებენ. იქ მამაკაცები, რომლებიც ტრადიციული მექსიკური ღირებულებების მატარებლები არიან და ამას საჯარო დემონსტრირებასაც უკეთებენ, მოგებულები რჩებიან, ვინაიდან სწორედ ასეთია მექსიკელი ქალების სასურველი მამაკაცი.