მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიორგი მარგველაშვილი - იმედი მაქვს, მთავრობა უფრო სწრაფ და დინამიურ გადაწყვეტილებებს მიიღებს ხოლმე
15:26 / 18-05-2015
იმედი მაქვს, რომ საქართველოს მთავრობა უფრო სწრაფ და დინამიურ გადაწყვეტილებებს მიიღებს ხოლმე, როდესაც საქმე ეხება ბიზნესს და ბიზნესის განვითარებას, - ამის შესახებ საქართველოს პრეზიდენტმა გიორგი მარგველაშვილმა ავსტრიელ კოლეგასთან შეხვედრის შემდეგ გამართულ პრესკონფერენციაზე განაცხადა, რითაც ავსტრიელი ჟურნალისტის შეკითხვას უპასუხა იმასთან დაკავშირებით, კონკრეტულად რომელ სტრუქტურებს გულისხმობდა, როცა პარლამენტში გამოსვლისას მათ პარალელიზმზე ისაუბრა.
მარგველაშვილის განმარტებით, გადაწყვეტილებების დროულად მიღება აუცილებელია, რათა უფრო სწრაფად იქნას ათვისებული ის უზარმაზარი პოტენციალი, რომელიც ქვეყანას გააჩნია.
"მართალი ბრძანდებით, ჩემს საპარლამენტო გამოსვლაში მე ვისაუბრე ე.წ. საბჭოებზე და კომისიებზე, რომლებიც გარკვეულად გადაწყვეტილების მიღების დინამიკას აფერხებენ. ჩემი პოზიცია მდგომარეობდა და მდგომარეობს შემდგომში - ჩვენ ჩვენს პარნტიორებთან ბევრად უფრო აქტიური და დინამიური ურთიერთობა უნდა გვქონდეს. გადაწყვეტილებები სწრაფად უნდა იყოს მიღებული და გადაწყვეტილების სწრაფად მიღების უფლებამოსილებებით აღჭურვილი მინისტრები და მინისტრთა კაბინეტი გვყავდეს. ჩემი საუბარი ძირითადად მიმართული იყო იქითკენ, რომ უფრო აქტიურად და დინამიურად ჩავერთოთ ეკონომიკური განვითარების პროცესში, მით უმეტეს, რომ საქართველოს გააჩნია ძალიან სერიოზული ეკონომიკური პოტენციალი. ჩვენ ვართ ქვეყანა, რომელმაც ხელი მოაწერა ღრმა და ყოვლისმომცველი თავისუფალი ვაჭრობის შესახებ შეთანხმებას. ჩვენ ნებისმიერ ინვესტორს ვაძლევთ შესაძლებლობას გავიდეს უზარმაზარ ბაზარზე. გვაქვს ძალიან საინტერესო შესაძლებლობები ბიზნესის დაწყების თვალსაზრისით, გვაქვს ძალიან დაბალი საგადასახადო სისტემა. შესაბამისად, მთელი ეს პოტენციალი უნდა იქნას მაქსიმალურად და დროში სწრაფად გამოყენებული. იმედი მაქვს, ჩემი გამოსვლის შედეგად და კვალდაკვალ საქართველოს მთავრობა უფრო სწრაფ და დინამიურ გადაწყვეტილებებს მიიღებს ხოლმე, როდესაც ეს ეხება ბიზნესს და როდესაც ეს ეხება ბიზნესის განვითარებას, იმიტომ, რომ უზარმაზარი პოტენციალი, რომელიც გააჩნია ქვეყანას, უფრო სწრაფად უნდა იქნას ათვისებული, განსაკუთრებით იმ ვითარებაში, როცა ქვეყნის ირგვლივ ეკონომიკური სირთულეებია", - განაცხადა გიორგი მარგველაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
