სო­ცი­ა­ლუ­რი ქსე­ლე­ბის პო­პუ­ლა­რო­ბა და მას­ზე და­მო­კი­დე­ბუ­ლე­ბა მსოფ­ლი­ო­სა და მათ შო­რის, სა­ქარ­თვე­ლო­ში დღი­თი დღე იზ­რდე­ბა. ბევ­რის­თვის გა­სარ­თო­ბი სა­შუ­ა­ლე­ბა, ზო­გის­თვის პო­ლი­ტი­კუ­რი საქ­მი­ა­ნო­ბი­სა და სა­კუ­თა­რი ინ­ტე­რე­სე­ბის გავ­რცე­ლე­ბის სა­უ­კე­თე­სო სა­შუ­ა­ლე­ბაა.

სო­ცი­ა­ლუ­რი ქსე­ლე­ბის სა­შუ­ა­ლე­ბით პო­ლი­ტი­კო­სე­ბი აქ­ტი­ურ კამ­პა­ნი­ას აწარ­მო­ე­ბენ, პირ­და­პი­რი კავ­ში­რი აქვთ სა­კუ­თარ ამომ­რჩევ­ლებ­თან თუ სა­ზო­გა­დო­ე­ბის სხვა წევ­რებ­თან და მათი უმე­ტე­სო­ბა სოცქსე­ლებს სა­კუ­თა­რი თა­ვის პი­ა­რის­თვის იყე­ნებს.

Ambebi.ge და­ინ­ტე­რეს­და, რო­მე­ლი პო­ლი­ტი­კუ­რი გუნ­დი უფრო აქ­ტი­უ­რად იყე­ნებს სო­ცი­ა­ლურ მე­დი­ას, რო­გორც ელექ­ტო­რატ­თან პირ­და­პი­რი კო­მუ­ნი­კა­ცი­ის რე­სურსს და ვისი კამ­პა­ნია უფრო ეფექ­ტუ­რია პო­ლი­ტი­კუ­რი შე­ხე­დუ­ლე­ბე­ბის ინ­ტერ­ნე­ტა­უ­დი­ტო­რი­ა­ში პო­ზი­ცი­ო­ნი­რე­ბი­სას - ხე­ლი­სუფ­ლე­ბის, თუ ოპო­ზი­ცი­ის...

რო­გორც Ambebi.ge-ს სო­ცი­ა­ლუ­რი მე­დი­ის მე­ნე­ჯერ­მა, სო­ცი­ა­ლუ­რი მე­დი­ის ლექ­ტორ­მა ზურა ბა­ლან­ჩი­ვა­ძემ უთხრა, სო­ცი­ა­ლუ­რი ქსე­ლე­ბი სა­მო­ქა­ლა­ქო აქ­ტი­ვო­ბის მნიშ­ვნე­ლო­ვა­ნი ნა­წი­ლი გახ­და და მისი სა­შუ­ა­ლე­ბით ინ­ფორ­მა­ცი­ის გაც­ვლა ორ­მხრი­ვად გახ­და შე­საძ­ლე­ბე­ლი.

ზურა ბა­ლან­ჩი­ვა­ძე: ტრა­დი­ცი­უ­ლი მე­დია სა­შუ­ა­ლე­ბე­ბი ინ­ფორ­მა­ცი­ის ცალ­მხრი­ვი გაც­ვლაა, ხოლო სო­ცი­ა­ლუ­რი ქსე­ლე­ბის მეშ­ვე­ო­ბით, ინ­ფორ­მა­ცია გახ­და უფრო მა­მო­ტი­ვი­რე­ბე­ლი იმ მხრივ, რომ სა­ზო­გა­დო­ე­ბამ შეძ­ლო თა­ვი­სი შე­ხე­დუ­ლე­ბე­ბის სა­ჯა­როდ და­ფიქ­სი­რე­ბა იმ პი­როვ­ნე­ბე­ბის მი­მართ, ვის მი­მარ­თაც რა­ღაც ჰქონ­და სათ­ქმე­ლი. ამ ყვე­ლა­ფერ­მა ხელი შე­უ­წყო სათ­ქმე­ლის პირ­და­პირ ად­რე­სა­ტამ­დე მი­ტა­ნას.

რო­გორც 2012 წელს აშშ-ში ჩა­ტა­რე­ბულ­მა კვლე­ვებ­მა გვიჩ­ვე­ნა, ადა­მი­ა­ნე­ბი, რომ­ლე­ბიც სო­ცი­ა­ლურ ქსე­ლებს მო­იხ­მა­რენ, პო­ლი­ტი­კურ ცხოვ­რე­ბა­ში უფრო მე­ტად არი­ან ჩარ­თულ­ნი, ვიდ­რე ის ადა­მი­ა­ნე­ბი, ვინც არ მო­იხ­მა­რენ. სოცქსე­ლე­ბი მეტ-ნაკ­ლე­ბად პო­ლი­ტი­ზე­ბუ­ლია, რად­გან მათ პო­ლი­ტი­კა თა­ვი­სი სათ­ქმე­ლის სა­ზო­გა­დო­ე­ბამ­დე მი­სა­ტა­ნად იყე­ნებს", - ამ­ბობს ზურა ბა­ლან­ჩი­ვა­ძე.

მისი თქმით, გან­სა­კუთ­რე­ბუ­ლი მოვ­ლე­ნის შემ­თხვე­ვა­ში, სოცქსე­ლე­ბი პო­ლი­ტი­კურ ნაღ­მად იქ­ცე­ვა და ამის მა­გა­ლი­თად უკ­რა­ი­ნა­ში გან­ვი­თა­რე­ბუ­ლი მოვ­ლე­ნე­ბი და აშშ-ს პრე­ზი­დენ­ტის, ბა­რაკ ობა­მას საპ­რე­ზი­დენ­ტო კამ­პა­ნი­ის წარ­მა­ტე­ბით ჩა­ტა­რე­ბა მოჰ­ყავს.

რო­გორც სო­ცი­ა­ლუ­რი მე­დი­ის მე­ნე­ჯე­რი ამ­ბობს, სა­ქარ­თვე­ლო­ში ოფი­ცი­ა­ლუ­რი უწყე­ბე­ბი სოცქსე­ლებ­ში ზუს­ტად იმ ინ­ფორ­მა­ცი­ას ავ­რცე­ლე­ბენ, რა­საც მათ ოფი­ცი­ა­ლურ ვებ გვერ­დზე, თუმ­ცა რო­გორც ბა­ლან­ჩი­ვა­ძე აღ­ნიშ­ნავს, შეც­დო­მა სწო­რედ ამა­შია. მი­სი­ვე თქმით, სო­ცი­ა­ლურ ქსელ­ში გავ­რცე­ლე­ბუ­ლი ინ­ფორ­მა­ცია ხალ­ხის ენა­ზე უნდა იყოს და­წე­რი­ლი, რომ ად­რე­სა­ტამ­დე მარ­ტი­ვად და გა­სა­გე­ბად მი­ვი­დეს.

"რე­ა­ლუ­რად, "ფე­ის­ბუ­ქი" სო­ცი­ა­ლუ­რი მე­დია, სო­ცი­ა­ლუ­რი ჟურ­ნა­ლის­ტი­კაა. ამ შემ­თხვე­ვა­ში პო­ლი­ტი­კო­სე­ბის­თვის ტე­ლე­ვი­ზია "ფე­ის­ბუ­ქია", თუმ­ცა თუ ვებ გვერ­დზე არ­სე­ბუ­ლი ინ­ფორ­მა­ცია სპე­ცი­ა­ლუ­რად არ გა­და­ა­მუ­შა­ვე, რომ მომ­ხმა­რე­ბელ­მა რა­ღაც გა­ი­გოს, შენ კი უბ­რა­ლოდ, მისი გა­მოქ­ვეყ­ნე­ბით ვალი მო­ი­ხა­დე, ამის შე­დე­გად კარგ კამ­პა­ნი­ას ვერ აა­გებ. ამ მხრივ, სამ­თავ­რო­ბო სექ­ტორ­ში სე­რი­ო­ზუ­ლი ხარ­ვე­ზე­ბია.

მახ­სენ­დე­ბა ენერ­გე­ტი­კის მი­ნის­ტრის, კახა კა­ლა­ძის კამ­პა­ნია, რო­დე­საც "ფე­ის­ბუ­ქის" სა­შუ­ა­ლე­ბით სა­ზო­გა­დო­ე­ბის შე­კი­თხვებს პა­სუ­ხობ­და - ეს არის სწო­რედ ის მიდ­გო­მა, რაც ბევ­რს ეზა­რე­ბა, არ უნდა და ასე შემ­დეგ... სწო­რედ ამი­ტომ ის მა­რი­ლი, რაც აქვს სოცქსე­ლებს, არას­წო­რი სტრა­ტე­გი­ი­სა და მიდ­გო­მის გამო, იფან­ტე­ბა", - ამ­ბობს ზურა ბა­ლან­ჩი­ვა­ძე.

მისი თქმით, თი­თო­ე­ულ პო­ლი­ტი­კურ პარ­ტი­ას სო­ცი­ა­ლურ ქსელ­ში სა­კუ­თა­რი ბლო­გე­რი უნდა ჰყავ­დეს: "ნა­ცი­ო­ნა­ლუ­რი მოძ­რა­ო­ბის" მხრი­დან ეს არის გოგა ხა­ჩი­ძე, რო­მელ­საც მე პი­რა­დად "ნა­ცი­ო­ნა­ლუ­რი მოძ­რა­ო­ბის" ბლო­გერს ვე­ძა­ხი. ხან­და­ხან მეჩ­ვე­ნე­ბა, რომ ის ცოტა არა­სე­რი­ო­ზუ­ლია, მაგ­რამ მისი ეს არა­სე­რი­ო­ზუ­ლო­ბა ვი­ღა­ცის დამ­ცი­რე­ბა­ში არ გა­მო­ი­ხა­ტე­ბა.

გო­გას ბევ­რი მიმ­დე­ვა­რი ჰყავს, რო­მე­ლიც იზი­ა­რებს მის სტა­ტუ­სებს, შე­ხე­დუ­ლე­ბებს. ბევ­რი შე­იძ­ლე­ბა, არც იზი­ა­რებ­დეს, მაგ­რამ მის სტა­ტუ­სებ­ზე ხა­ლი­სობს, ყო­ველ შემ­თხვე­ვა­ში, "ფე­ის­ბუ­ქი" და პი­ა­რი მის ამ ქცე­ვას ცუდ ტო­ნად არ აღიქ­ვამს. დღეს თუ ვი­ზი­ტო­რი არ გყავს, ე.ი ცუდი და უინ­ტე­რე­სო ხარ – ასე­თია "ფე­ის­ბუ­ქის" მე­სი­ჯი.

მე­ო­რე მხა­რის სა­პირ­წო­ნედ, "ქარ­თულ ოც­ნე­ბას" და ხე­ლი­სუფ­ლე­ბას, ასე­თი ლი­დე­რი სოცქსელ­ში არ ჰყავს, რაც ძა­ლი­ან ცუ­დია. შე­იძ­ლე­ბა თავი ვერ მო­ა­ბეს, არ უნ­დათ, ან ამ ფორ­მით სა­ზო­გა­დო­ე­ბას­თან ურ­თი­ერ­თო­ბა და­მამ­ცი­რებ­ლად მი­აჩ­ნი­ათ, მაგ­რამ რო­დე­საც ხე­ლი­სუფ­ლე­ბა ხე­დავს, რომ სოცქსელ­ში ვი­ღაც უგებს, სა­ჭი­როა პა­ტა­რა ინ­სტი­ტუ­ცი­ე­ბის შექ­მნა.

პო­ლი­ტი­კო­სე­ბი­დან, "ფე­ის­ბუქ­ზე" აქ­ტი­უ­რო­ბის მხრივ, გა­მო­ირ­ჩე­ვა ირმა ინაშ­ვი­ლიც. მისი და გოგა ხა­ჩი­ძის აქ­ტი­უ­რო­ბის დონე რომ შე­ვა­და­როთ, ხა­ჩი­ძის აქ­ტი­უ­რო­ბა უფრო საქ­მით გა­მო­ი­ხა­ტე­ბა და არა ერის და­მო­ძღვრით, რა­საც აკე­თებს ირმა ინაშ­ვი­ლი", - ამ­ბობს ზურა ბა­ლან­ჩი­ვა­ძე.

ზურა ბა­ლან­ჩი­ვა­ძის თქმით, სოცქსე­ლებ­ში მე­სა­მე მხა­რე ექ­სპერ­ტე­ბი არი­ან:

"ეს არის ე.წ ექ­სპერ­ტე­ბის კას­ტა, რო­მელ­თა ნა­წილს ძი­რი­თა­დად უარ­ყო­ფი­თი პო­ზი­ცია უჭი­რავს. რა თქმა უნდა, მა­თაც ჰყავს დიდი ფანკლუ­ბი. ექ­სპერტთა ნა­წი­ლი ცდი­ლობს სი­ტუ­ა­ცი­ის ანა­ლი­ზის გა­კე­თე­ბას, სა­დაც ამ­ბო­ბენ, რომ არა­ფე­რი გვეშ­ვე­ლე­ბა, ხოლო მე­ო­რე ნა­წილს ჰგო­ნია, რომ ყვე­ლაფ­რის შე­სა­ხებ ყვე­ლა­ფე­რი იცი­ან", - ამ­ბობს ზურა ბა­ლან­ჩი­ვა­ძე.

"ნა­ცი­ო­ნა­ლუ­რი მოძ­რა­ო­ბის" პრე­სამ­სა­ხუ­რის უფ­რო­სის, გი­ორ­გი პა­ტა­რა­ი­ას თქმით, მათი პარ­ტი­ის საქ­მი­ა­ნო­ბის პი­ა­რი­სა და ხალ­ხთან კონ­ტაქ­ტის­თვის "ფე­ის­ბუქ­სა" და "ტვი­ტერს" აქ­ტი­უ­რად იყე­ნე­ბენ.

"სო­ცი­ა­ლუ­რი ქსე­ლე­ბი ჩვე­ნი საქ­მი­ა­ნო­ბის ერთ-ერთი მნიშ­ვნე­ლო­ვა­ნი ნა­წი­ლია. ყო­ველ­დღე უამ­რა­ვი ადა­მი­ა­ნი ნა­ხუ­ლობს ჩვენს გვერდს, მათი რა­ო­დე­ნო­ბა სულ უფრო იზ­რდე­ბა არა მარ­ტო" ფე­ის­ბუქ­ში", არა­მედ "ტვი­ტერ­ზეც". სოცქსე­ლებს ჩვენ აქ­ტი­უ­რად და ხში­რად ვი­ყე­ნებთ.

ვა­კონ­ტრო­ლებთ კო­მენ­ტა­რებს, ვცდი­ლობთ, წავ­შა­ლოთ ხე­ლი­სუფ­ლე­ბი­სა და ჩვე­ნი მი­მარ­თუ­ლე­ბით და­წე­რი­ლი უცენ­ზუ­რო სი­ტყვე­ბი. მომ­ხმა­რე­ბელს ასა­კის, სქე­სი­სა და რე­გი­ო­ნე­ბის მი­ხედ­ვით ვყოფთ. ბოლო პე­რი­ოდ­ში ფე­ის­ბუქს რე­გი­ო­ნე­ბის­თვი­საც აქ­ტი­უ­რად ვი­ყე­ნებთ. ვკი­თხუ­ლობთ ხალ­ხის პრობ­ლე­მას, რა აწუ­ხებთ, რა უნ­დათ. სოცქსე­ლე­ბის სა­შუ­ა­ლე­ბით ვგეგ­მავთ ხალ­ხთან შეხ­ვედ­რა­საც და ნე­ბის­მი­ე­რი ჩვე­ნი აქ­ტი­ვო­ბა სო­ცი­ა­ლურ ქსე­ლებ­ში მუ­დამ შუქ­დე­ბა", - ამ­ბობს გი­ორ­გი პა­ტა­რა­ია.

პრე­მი­ერ-მი­ნის­ტრის ოფი­ცი­ა­ლუ­რი ფე­ის­ბუქ გვერ­დის ად­მი­ნის­ტრა­ტო­რის, ბექა მჭედ­ლიშ­ვი­ლის თქმით, პრე­მი­ე­რის გვერ­დზე მა­სა­ლე­ბის და­მა­ტე­ბა და გა­ნახ­ლე­ბა პრე­მი­ე­რის აქ­ტი­ვო­ბე­ბი­დან გა­მომ­დი­ნა­რე ხდე­ბა.

ბექა მჭედ­ლიშ­ვი­ლი: "იმის გათ­ვა­ლის­წი­ნე­ბით, რომ პრე­მი­ერ-მი­ნის­ტრის აქ­ტი­ვო­ბე­ბი ყო­ველ­დღი­უ­რია, გვერ­დზე ინ­ფორ­მა­ცი­ის გან­თავ­სე­ბა თუ გა­ნახ­ლე­ბა ყო­ველ­დღი­უ­რად ხდე­ბა. გვერ­დზე იწე­რე­ბა რო­გორც და­დე­ბი­თი, ისე უარ­ყო­ფი­თი კო­მენ­ტა­რე­ბი, თუმ­ცა უფრო ხში­რად და­დე­ბი­თი.

ხში­რია შემ­თხვე­ვე­ბიც, რო­დე­საც პრე­მი­ერს მო­ქა­ლა­ქე­ე­ბი ამა თუ იმ თხოვ­ნით მი­მარ­თა­ვენ რო­გორც კო­მენ­ტა­რებ­ში, ასე­ვე ინ­ბოქსში და ჩვენ 24 სა­ა­თი­ან რე­ჟიმ­ში ვცდი­ლობთ მი­ვა­წო­დოთ მათ სწო­რი ინ­ფორ­მა­ცია, სა­ჭი­რო­ე­ბის შემ­თხვე­ვა­ში და­ვა­კავ­ში­როთ შე­სა­ბა­მის სა­მი­ნის­ტროს­თან და ა. შ.

ინ­ბოქსში შე­მო­სუ­ლი წე­რი­ლე­ბი ძი­რი­თა­დად, სო­ცი­ა­ლურ სა­კი­თხებს ეხე­ბა. პე­რი­ო­დუ­ლად პრე­მი­ე­რი წე­რი­ლებს თა­ვა­დაც ეც­ნო­ბა", - ამ­ბობს ბექა მჭედ­ლიშ­ვი­ლი.

კი­თხვა­ზე, პრე­მი­ე­რის რე­ი­ტინ­გის და­ცე­მის პა­რა­ლე­ლუ­რად, იც­ვლე­ბა თუ არა ხალ­ხის გან­წყო­ბა, ბექა მჭედ­ლიშ­ვი­ლის თქმით, გვერდს ყო­ველ­დღი­უ­რად უფრო მეტი ვი­ზი­ტო­რი ჰყავს.

"პრე­მი­ერ-მი­ნის­ტრის ოფი­ცი­ა­ლუ­რი გვერ­დის მო­ნი­ტო­რინ­გი­დან გა­მომ­დი­ნა­რე არ გვაქვს სა­ფუძ­ვე­ლი და­გე­თან­ხმოთ. მა­გა­ლი­თად, გა­სულ კვი­რას პრე­მი­ე­რის გვერდს 1 000-ზე მეტი მო­წო­ნე­ბა და­ე­მა­ტა და ეს სტა­ბი­ლუ­რად ასეა. თით­ქმის ყო­ველ კვი­რას და­ახ­ლო­ე­ბით 5 00-1 000 ახა­ლი მომ­წო­ნე­ბე­ლი ემა­ტე­ბა", - ამ­ბობს ბექა მჭედ­ლიშ­ვი­ლი და დას­ძენს, რომ პრე­მი­ე­რის ოფი­ცი­ა­ლუ­რი გვერ­დის­თვის ბი­უ­ჯე­ტი გა­მო­ყო­ფი­ლი არ არის და არც იმ ინ­ფორ­მა­ცი­ას ადას­ტუ­რებს, რომ­ლის თა­ნახ­მა­დაც, ირაკ­ლი ღა­რი­ბაშ­ვი­ლის მე­უღ­ლის, ნუ­ნუ­კა თა­მა­ზაშ­ვი­ლის ფე­ის­ბუქ-გვერ­დი პრე­მი­ე­რის ბი­უ­ჯე­ტი­დან ფი­ნანსდე­ბა.

"ამ ეტაპ­ზე პრე­მი­ერ-მი­ნის­ტრის ოფი­ცი­ა­ლუ­რი გვერ­დის და­სა­რეკ­ლა­მებ­ლად ბი­უ­ჯე­ტი გა­მო­ყო­ფი­ლი არ არის და რამ­დე­ნა­დაც ვიცი, არც უახ­ლო­ეს მო­მა­ვალ­ში იგეგ­მე­ბა. ქალ­ბა­ტო­ნი ნუ­ნუ­კა თა­მა­ზაშ­ვი­ლის გვერ­დი თა­ვად მას ეკუთ­ვნის და შე­სა­ბა­მი­სად, ამ გვერ­დის რეკ­ლა­მი­რე­ბა­ზე სა­ხელ­მწი­ფო ბი­უ­ჯე­ტი­დან თან­ხა არც და ვერც იქ­ნე­ბო­და გა­მო­ყო­ფი­ლი", - ამ­ბობს ბექა მჭედ­ლიშ­ვი­ლი.

ვიდ­რე ქარ­თულ ინ­ტერ­ნეტ­სივ­რცე­ში პო­ლი­ტი­კუ­რი დის­კუ­სი­ე­ბის არე­ნად "ფე­ის­ბუ­ქი" გა­და­იქ­ცე­ო­და, პო­ლი­ტი­კუ­რი ძა­ლე­ბის ინ­ტერ­ნეტ­ში პო­ზი­ცი­ო­ნი­რე­ბა თბი­ლი­სის ფო­რუმ­ზე ხდე­ბო­და, სა­დაც გან­სა­კუთ­რე­ბუ­ლი აქ­ტი­უ­რო­ბით "რეს­პუბ­ლი­კუ­რი პარ­ტია" გა­მო­ირ­ჩე­ო­და. ცნო­ბი­ლია, რომ პარ­ტი­ის რამ­დე­ნი­მე ლი­დე­რი ფო­რუ­მის პო­ლი­ტი­კის გან­ყო­ფი­ლე­ბის აქ­ტი­უ­რი "იუ­ზე­რი" იყო.

სა­ბო­ლო­ოდ, დღე­ი­სათ­ვის სო­ცი­ა­ლურ ქსე­ლებ­ში, გან­სა­კუთ­რე­ბით კი "ფე­ის­ბუქ­ზე", მეტ­წი­ლად, ხე­ლი­სუფ­ლე­ბი­სად­მი კრი­ტი­კუ­ლად გან­წყო­ბი­ლი ადა­მი­ა­ნე­ბის აქ­ტი­ვო­ბე­ბი ჭარ­ბობს. რისი ბრა­ლია ეს, - იმის, რომ ხე­ლი­სუფ­ლე­ბას, "ნა­ცი­ო­ნა­ლუ­რი მოძ­რა­ო­ბის­გან" გან­სხვა­ვე­ბით, არ ჰყავს ლო­ბის­ტე­ბი "ფე­ის­ბუქ­ზე", თუ იმის, რომ ზო­გა­დად მო­სახ­ლე­ო­ბა­შია ნე­გა­ტი­უ­რი, სკეპ­ტი­კუ­რი და კრი­ტი­კუ­ლი მუხ­ტი ხე­ლი­სუფ­ლე­ბის მი­მართ. ალ­ბათ, ამა­ზე ხე­ლი­სუფ­ლე­ბას და­ფიქ­რე­ბა მო­უ­წევს...

თაკო ესე­ბუა

AMBEBI.GE