მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ფოტო, რომელზეც სავარაუდოდ, ხარძიანის მკვლელია აღბეჭდილი - "არ ვიტყვი ვინ გამომიგზავნა, სულ რომ ღარიბაშვილმა და ივანიშვილმა დამირეკონ"
04:38 / 18-05-2015
ზაზა გაბედავა Ambebi.ge-ს სკანდალურ ფოტოს აწვდის, სადაც მისი განცხადებით, ბიზნესმენ ბესო ხარძიანის მკვლელია აღბეჭდილი. გავედავა ამბობს, რომ ეს არის კადრი ქუჩაში დამონტაჟებული კამერიდან და ის მის ხელში ქართული სპეც-სამსახურებისგან მოხვდა.
- ვინ მოგაწოდათ ეს ფოტო და ვინ არის მასზე ასახული მამაკაცი?
- როცა ბესო ხარძიანი დაიღუპა, მეორე თუ მესამე დღეს მომაწოდეს ეს ფოტო ქართულმა სპეც-სამსახურებმა. ფოტო ქუჩის კამერებით არის გადაღებული, სადაც ჩანს, როგორ გარბის ბესო ხარძიანის მკვლელი. კონკრეტულ ადამიანს, ვინც ეს ფოტო მომაწოდა, არ დავასახელებ, თვით ღარიბაშვილმა და ივანიშვილმაც რომ დამირეკონ.
- რა ინფორმაცია გაქვთ დამატებით ამ პირის შესახებ და აქამდე რატომ არ გაასაჯაროვეთ ფოტო?
- სხვა ინფორმაციას არ ვფლობ. ფაქტი ის არის, რომ მოსკოვში მყოფ კაცს გამომიგზავნეს მკვლელის ფოტო. რომ ვერ იძიებენ საქმეს, იმიტომ გამოვაქვეყნე სურათი ახლა. ძალიან მარტივად შეიძლება ამ ფოტოსურათით ნახონ აეროპორტის ჩანაწერები და დაადგინონ ამ კაცის გვარი და სახელი.
- იცნობდით ბესო ხარძიანს?
- არ ვიცნობდი, მაგრამ ვიცი, კარგი პიროვნება იყო.
შეგახსენებთ, რომ ამ დროისათვის არსებული ინფორმაციის მიხედვით, ხარძიანის მკვლელობის საქმეზე ერთი პირია დაკავებული, რომელიც სავარაუდოდ, მკვლელობაში ეჭვმიტანილის თანამზრახველია.
ბესიკ ხარძიანის ოჯახის ადვოკატის, მალხაზ სალაყაიას განცხადებით კი მკვლელობაში ეჭვმიტანილი პირი იდენტიფიცირებულია. "რაც შეეხება დამკვეთს, იმ პირთა წრე გვეტყვის, ვის გარშემოც ეს პირი ტრიალებდა", - აცხადებს სალაყაია.
ადვოკატის ინფორმაციით, გამოძიებას უკვე აქვს დასაბუთებული ვარაუდი მკვლელის ვინაობაზე.
რაც შეეხება კითხვას, დატოვა თუ არა ეჭვმიტანილმა საქართველოს ტერიტორია, ადვოკატის ინფორმაციით, ის გამოძიების ინტერესებიდან გამომდინარე ამ ინფორმაციას ვერ დაადასტურებს.
ადვოკატმა მალხაზ სალაყაიამ ბესიკ ხარძიანის პირველი ოჯახის წევრების განცხადებებზეც ისაუბრა და აღნიშნა, რომ მათ "სიტყვა გაექცათ".
"ბესიკ ხარძიანის პირველ ვაჟს სიტყვა გაექცა, რადგან ნაკლებად იყო ის არგუმენტირებული. ის საფუძვლები, რაც მას მოჰყავს, თითქოს რაღაც აქვს ნანახი, საკმარისი არ არის, რომ ბესიკ ხარძიანის მეუღლე ეკა ნონიკაშვილი დაადანაშაულოს. ამას გამოძიება გაარკვევს, რას ეფუძნებოდა ბატონი მიშა ხარძიანის გამონათქვამები", - განაცხადა მალხაზ სალაყაიამ.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
