ლადო ბედუკაძე ივანიშვილის ინიცირებული სერიალის, "9+1"-ის კონსულტანტი გახდა
როგორც ცნობილია, რეჟისორი გოგა ხაინდრავა "ნაციონალური მოძრაობის" 9 წლიან მმართველობაზე სერიალის "9+1"-ს გადაღებებს გეგმავს. სერიალი, რომლის გადაღებებიც ჯერ არ დაწყებულა, უკვე მრავალჯერ გახდა საზოგადოების განსჯის თემა.
როგორც სერიალის კასტინგის რამდენიმე მონაწილე მსახიობმა Ambebi.ge-ს განუცხადა, მსახიობების შერჩევის პროცესზე მათ ლადო ბედუკაძე დახვდათ. ინფორმაციის გადამოწმება თავად ლადო ბედუკაძესთან ვცადეთ, თუმცა იმის მიუხედავად, რომ მან ეს ინფორმაცია არ უარყო, კომენტარის გაკეთებისგან თავი შეიკავა. კომენტარზე უარი თქვა კასტინგის ხელმძღვანელმა მიშა აფხაზავამაც, ამიტომ სერიალის რეჟისორს, გოგა ხაინდრავას დავუკავშირდით.
- ბატონო გოგა, Ambebi.ge-სთვის ცნობილი გახდა, რომ "9+1"-ის კასტინგს ლადო ბედუკაძეც ესწრებოდა. რატომ მოიწვიეთ ის კასტინგებზე?
- არა, ლადო ბედუკაძე სერიალის კასტინგებს არ ესწრება. ლადო ბედუკაძე არის ჩემი კონსულტანტი, იმიტომ რომ დიდი ეპიზოდი ჩემს ფილმში გლდანის ციხის ნაწილს შეეხება და იმ პერიოდს აღწერს, როდესაც ლადო ბედუკაძე მუშაობდა გლდანის ციხეში. ამიტომ ხანდახან მოდის ჩვენთან და კონსულტაციებს გადის სცენარის რეჟისორებთან. კასტინგთან რა კავშირი უნდა ჰქონდეს ლადო ბედუკაძეს?! ვიღაცამ თვალი მოკრა, ეტყობა. კასტინგებს რატომ დაესწრება ლადო ბედუკაძე, რომელი ფელინი ეგ მყავს?
თამარ ბოჭორიშვილი
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
