"მართლმადიდებლობა საკლასო ოთახში" - რას წერს BBC ქართულ ეკლესიაზე

BBC-ს ვებგვერდზე ნატალი ანთელავას სტატია გამოქვეყნდა სახელწოდებით "მართლმადიდებლობა საკლასო ოთახში", რომელშიც ავტორი ქართულ ეკლესიასა და ქართულ საზოგადოებაზე საუბრობს. ავტორს მოჰყავს მაგალითი, თუ როგორია თანაკლასელების რეაქცია მაშინ, როდესაც ერთ-ერთი მოსწავლე აცხადებს, რომ ათეისტია. გარდა ამისა, ავტორი 2012 წლის 17 მაისის ცნობილ მოვლენებსაც შეეხო და მკითხველს გარკვეულ ექსკლურსსაც სთავაზობს სააკაშვილის მმართველობის პერიოდიდან, როდესაც, მისი თქმით, საქართველოს ექსპრეზიდენტმა საგანმანათლებლო დაწესებულებებში რელიგიური სიმბოლიკის ამოღება სცადა, რამაც დიდი სკანდალი გამოიწვია. Ambebi.ge გთავაზობთ სტატიის ქართულენოვან თარგმანს.

BBC, "მართლმადიდებლობა საკლასო ოთახში"

"საქართველოს ლიბერალი პოლიტიკოსები ამბობენ, რომ ერთადერთი გამოსავალი პოსტსაბჭოთა წნეხიდან და დამოუკიდებელ ერად ქცევის გზა ევროპულ და ამერიკულ კურსშია. მაგრამ იყენებს თუ არა ანტიდასავლური და გავლენიანი ორთოდოქსული ეკლესია სკოლებს ახალი თაობების რელიგიურ კონსერვატორებად ჩამოსაყალიბებლად, რომლებისთვისაც პუტინის რუსეთი უფრო მიმზიდველი იქნება, ვიდრე დასავლეთი?

2014 წლის 16 ოქტომბერს თბილისის ერთ-ერთ სკოლაში 14 წლის ბიჭი ცემეს იმის გამო, რომ ათეისტი ვარო, განაცხადა. უფლებადამცველთა ჯგუფები აცხადებენ, რომ ეს ერთ-ერთი მაგალითია მზარდი რელიგიური შეუწყნარებლობისა სკოლებში, რაც ინდოქტრინაციის საქმეს ემსახურება.

საქართველოში ათეისტები უმცირესობას წარმოადგენენ. 80%-ზე მეტი მოსახლე თავს მართლმადიდებელ ქრისტიანს უწოდებს. ეკლესიის კონსერვატორული მესიჯები ქვეყნის ლიბერალურ პროდასავლურ კურსს ეწინააღმდეგება და რაც ყველაზე პარადოქსულია, ამ კურსს საქართველოს მოსახლეობის უმეტესობა მხარს უჭერს.

ეკლესიის რადიკალიზაცია გარკვეულწილად წინა მთავრობის ქმედებების შედეგია, რომლებიც აგრესიულ პროდასავლურ რეფორმებს ატარებდნენ. მიხეილ სააკაშვილმა სცადა საგანმანათლებლო დაწესებულებებში რელიგიური სიმბოლიკის ამოღება, რამაც დიდი სკანდალი გამოიწვია. ყველაზე სკანდალური ამ მხრივ იყო "მართლმადიდებელ მშობელთა კავშირი", რომლებიც აგრესიული და ძალადობრივი ქმედებებით გამოირჩეოდნენ უმცირესობების მიმართ.

2013 წელს ათასობით მღვდელი და მათი მხარდამჭერები გამოვიდნენ გარეთ ჯოხებითა და ჯვარცმებით შეიარაღებულნი და თავს დაესხნენ მცირე ჯგუფს, რომლებიც ჰომოფობიის წინააღმდეგ მართავდნენ აქციას. არსებობს მოსაზრება, რომ ამაში რუსეთი იყო ჩართული, თუმცა ქართული ეკლესია კატეგორიულად უარყოფს რუსეთის მხრიდან რაიმე ჩარევის ფაქტებს. საქართველოს დასავლეთისკენ სწრაფვა თავსებადი აღარაა მართლმადიდებლურ რწმენასთან და ყოველკვირეულად ასობით მღვდელი მრევლს და მათ შორის ახალგაზრდებს მოუწოდებს, რომ მათ არჩევანი გააკეთონ", - ეს არის ამონარიდი ნატალი ანთელავას სტატიიდან, რომელიც "ბიბისის" ვებ-გვერდზეა გამოქვეყნებული.

მომზადებულია bbc.com-ს მიხედვით.

ქართული თარგმანი - Ambebi.ge