შუახევში ორი ახალგაზრდა მდინარეში დაიხრჩო

შუახევის მუნიციპალიტეტის შუბნის თემში, სოფელ დარჩიძეებში ორი ახალგაზრდა მამაკაცი დაიღუპა. როგორც "ინტერპრესნიუსს" შუახევის გამგებელმა, ტარიელ ებრალიძემ განუცხადა, 22 და 24 წლის ბიჭები გუშინ საღამოს მდინარე ჩირუხსწყალში ჩავარდნენ და დაიღუპნენ. გამგებლის ინფორმაციით, სამაშველო სამუშაოები მთელი ღამის განმავლობაში მიმდინარეობდა, ცხედრები შემთხვევის ადგილიდან 200 მეტრის მოშორებით იპოვეს.

"22 და 24 წლის ახალგაზრდები საღამოს საათებში ბილიკით მიდიოდნენ, ნისლი იყო და, როგორც ჩანს, გზა აებნათ. ფერდობი ადგილი იყო, დაუცურდათ ფეხი და ჩავარდნენ მდინარეში. მთელი ღამის განმავლობაში სამაშვლო სამსახური იყო მობილიზებული, ცხედრები შემთხვევის ადგილიდან 200-300 მეტრში იპოვეს. უდიდესი ტრაგედიაა", - აღნიშნა ტარიელ ებრალიძემ.

"ინტერპრესნიუსი"