იუნა შაფათავას და საგანგებო განცხადებას ავრცელებს - ''ახლა დამირეკა იუნამ ტირილით...''

იუნა შაფათავას დამ დეა შაფათავამ სოციალურ ქსელში რამდენიმო წუთის წინ საგანგებო განცხადება გააკეთა, რომელსაც უცვლელად გთავაზობთ.

''ახლა დამირეკა იუნამ ტირილით, სამსახურიდან გამაგდესო (პირველად ერთ-ერთ კომპანიას შევარჩინე იუნას ასეთი დამცირება, არ მქონდა ფიზიკურად დრო, მიმეხედა, იუნას კი ფული არ ჰქონდა სასამართლოსთვის).

საჯაროდ ვწერ: დიტო ტიკარაძის საწინააღმდეგოდ შემაქვს სარჩელი სასამართლოში ჩემი დის ნიჭის, ნამუშევრის, პირადი დახარჯული თანხების უგულებელყოფისათვის, მისი შავი მუშასავით გამოყენებისათვის და ამ ყველაფერში 150 ლარი ხელფასის გადახდისთვის.

ამ წუთას ვესაუბრე იუნას ყოფილ "უფროსს", ავუხსენი, რომ იუნა შაფათავა არ არის ქუჩის ძაღლი, რომ ასე გამოიყენონ მისი სახელი, ნიჭი, თუნდაც გარეგნობა, უნარები და უსაზღვრო კონტაქტები, და გააგდონ, მადლობის გადახდის მაგიერ - თუმცა მე მიხარია, ამხელა შრომა 150 ლარი კი არადა, 15000 ღირდა, ამხელა რუბრიკა მიჰყავდა იუნას დიტოს ახირებით რაღაც უაზრო სათაურებით ("უფროსის" ისტერიკული შეკვეთებით).

გააგდო ყველანაირი კომპენსაციის გარეშე (მეცინება, ვინ ვისი უფროსია, თუნდაც განათლების მხვრივ). ჩემი აზრი რომ მივწერე, რაზეც გამომიცხადა, რომ "ჩვენის საქმის ჩვენ ვიცით". ჰოდა მე ნამდვილად ვიცი ჩემი საქმე:):

მინდა, იუნას სახით შეიქმნას პრეცედენტი საქართველოში, რომ ადამიანის მიმართ, განათლებული, ინტელექტუალური და საკმაოდ მიმზიდველის (თუნდაც), პოპულარობაზე და "ბრენდ ნეიმებზე" აღარაფერს ვიტყვი, არ შეიძლება ასეთი დამოკიდებულება, მხოლოდ იმიტომ, რომ დღეს არ ჰყავს გვერდში ძლიერი მამიკო, არც ღიპიანი საყვარელი ან ქმარი, რომელიც დაუჟეჟავდა მაგ უნამუსო სახეს, მაგრამ ჰყავს და, რომელიც მიჰყვება იუნას დამცირებას ბოლომდე და არ შეარჩენს მის ასეთ გამოყენებას და გამწარებას და დამნაშავეს ყველა შეცდომაზე მოსთხოვს პასუხს.

ამას ვწერ საჯაროდ, იმისათვის, რომ ყველამ წაიკითხოს. დასკვნა თქვენ თვითონ გამოიტანეთ''.