მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პედოფილმა ბოტანიკურ ბაღში სამი არასრულწლოვანი გააუპატიურა - გაუხმაურებელი სკანდალური საქმე
03:57 / 12-05-2015
"თბილისის ერთ-ერთი ცენტრალური უბნის სკოლის ექვსი მოსწავლე სექსუალური მანიაკის მსხვერპლი გახდა", - ამის შესახებ ინფორმაციას "პრაიმტაიმი" ავრცელებს.
სტატიის თანახმად, არასრულწლოვანი სამი გოგონა და 3 ვაჟი დღემდე ფსიქოლოგების ზედამხედველობის ქვეშ არიან და პერიოდულად რეაბილიტაციის კურსებს გადიან. ხოლო დანაშაული, რომელიც თბილისში მოხდა, მკაცრად იყო გასაიდუმლოებული.
როგორც "პრაიმტაიმსის" მიერ მოპოვებული საქმის მასალებიდან ირკვევა, 27 წლის პედოფილის მიერ დანაშაული განსაკუთრებული ცინიზმითა და სისასტიკით არის ჩადენილი.
სექსუალური მანიაკი დანაშაულის ჩადენიდან 3 თვის შემდეგ პოლიციამ ფოტორობოტის მეშვეობით დააკავა. მისი ამოცნობა დაზარალებულმა ბავშვებმა გარეგნული ნიშნებით შეძლეს. კერძოდ, ტატუთი, რომელიც მოძალადეს მარჯვენა ხელის მთელ სიგრძეზე აქვს გაკეთებული და არასტანდარტული კბილების განლაგებით. სექსუალური მანიაკი 2012 წლის ნოემბერში საკუთარ სახლში დააკავეს. როგორც ირკვევა, მას ცოლი და ორი მცირეწლოვანი შვილი ჰყავს. ირკვევა, რომ 27 წლის ლ. ა. ხშირად დადიოდა ჯართის შესაგროვებლად თბილისის ბოტანიკურ ბაღში, სადაც დანაშაული ჩაიდინა.
გამოძიების ინფორმაციით, 27 წლის ლ. ა.- მ დანაშაული მაშინ ჩაიდინა, როდესაც ჯართის შესაგროვებლად ბოტანიკური ბაღის ტერიტორიაზე იმყოფებოდა, სადაც ბავშვები შენიშნა, რომლებიც ამავე ტერიტორიაზე ბაღში სასეირნოდ იმყოფებოდნენ. კერძოდ, მეექვსეკლასელი სამი გოგონა და სამი ბიჭი. ისინი თანაკლასელები არიან. დანაშაულის ჩადენამდე 27 წლის ლ.ა. მოზარდებს, როგორც ტყის მცველი, თამაზი, ისე გაეცნო. ხელში ეჭირა დიდი ზომის ჯოხი. უცნობმა მამაკაცმა არასრულწლოვნებს შეშინების მიზნით უთხრა, რომ ის მანიაკი იყო და ბავშვებს ხოცავდა. ამის შემდეგ ექვსივე მათგანს ტელეფონები გაათიშვინა და მოსთხოვა, მის მოთხოვნებს დამორჩილებოდნენ. ბიჭები ცალკე დაყენა, გოგონებისგან მოშორებით, ზურგით.
აქტის დასრულების შემდეგ 27 წლის პედოფილმა ბავშებს მოსთხოვა, ამბავი არ გაეხმაურებინათ და ამის სანაცვლოდ მათ არ მოკლავდა. საგამოძიებო მასალების მიხედვით, მომხდარი ძალადობრივი აქტის შემდეგ ექვსივე არასრულწლოვანი აღელვებული ბრუნდება ავტობუსით სკოლის ტერიტორიაზე, სადაც იღებენ გადაწყვეტილებას, ეკლესიაში წავიდნენ და მომხდარის შესახებ მოძღვარს უამბონ. ამის შემდეგ მომხდარ ფაქტს დაზარალებულთა მშობლები და პოლიცია იგებენ. შეგახსენებთ, რომ ამის შესახებ ინფორმაციას "პრაიმტაიმი" ავრცელებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
