17-წლიანი თანაცხოვრების შემდეგ ქუთაისში ქმარმა ცოლი სახლის გარეშე დატოვა
ქუთაისში მცხოვრებ ლეილა ლომიძეს შესაძლოა, საკუთარი სახლი დაატოვებინონ. როგორც ქალბატონი ამბობს, მისმა უკვე ყოფილმა მეუღლემ მისი შეძენილი ბინა თაღლითური გზითა და მოტყუებით გადაიფორმა.
"მე და ჩემი ქმარი ერთად 17 წლის განმავლობაში ვცხოვრობდით. ბინა, რომელშიც ვიყავით, წვალებით შევიძინე. საერთო შვილი არ გვყავს. ჩემს ქმარს პირველი ქორწინებიდან ჰყავს ორი შვილი. მის შვილებთან კარგი ურთიერთობა მქონდა. ცოტა ხნის წინ ჩემმა ქმარმა მითხრა, რომ საზღვარგარეთ მიდიოდა სამუშაოდ და მთხოვა, ბინა მისთვის გადამეფორმებინა. მე არაფერი მიეჭვია, რადგან ვენდობოდი. ჩემმა ყოფილმა ქმარმა ბინა მის შვილს გადაუფორმა და მე სახლიდან წასვლა მომთხოვეს. მითხრა, რომ მან და მისმა ყოფილმა ცოლმა შერიგება გადაწყვიტეს. იყო მუქარები - გადი სახლიდან, მაინცდამაინც მე უნდა გაგაგდო თუ გაზით გაგუდვა გინდაო", - ამბობს ლეილა ლომიძე.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
