მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
პარასკევი, მთვარის მეთვრამეტე დღე დაიწყება 00:43-ზე და გაგრძელდება 14 ივნისს, შაბათს –
იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რამდენად დაზღვეულები ვართ ქართულ სასტუმროებსა და სკოლებში ტრაგედიისგან, რომელმაც მთელი საქართველო შეძრა
08:32 / 11-05-2015
ქობულეთში, სასტუმრო "არმაზში" სამი მოზარდის გარდაცვალებამ სრულიად საქართველო შეძრა - საზოგადოების ნაწილი პასუხისმგებლობას სასტუმროს მფლობელს აკისრებს და შენობაში უსაფრთხოების ნორმების უქონლობაზე საუბრობს, ზოგი კი, ანსამბლის ხელმძღვანელობის დაუდევრობას აკრიტიკებს... საბოლოოდ, ყველა თანხმდება, რომ "არმაზის" ტრაგედია მთელი ქვეყნისთვის განგაშის ზარი გახდა.
რეგულირდება თუ არა კანონმდებლობით სასტუმროებში უსაფრთხოების ნორმები და რატომ არ ტარდება სკოლებში საგანგებო სიტუაციებში მოქმედების გაკვეთილები, ამ კითხვებზე პასუხის მისაღებად "პედაგოგთა საკოორდინაციო ცენტრის" ხელმძღვანელს დავით ფერაძეს ვესაუბრეთ:
- საქართველოს კანონმდებლობაში არ არსებობს მკვეთრად გაწერილი პუნქტი, რომლის მიხედვითაც სასტუმროში არსებული პირობები, მათ შორის, უსაფრთხოება რეგულირდება. არც იმას ამოწმებს ვინმე, რა მასალით შენდება სასტუმრო და გამოიყენება თუ არა მშენებლობისას სწრაფად აალებადი მასალები. უსაფრთხოების ზომებზე მხოლოდ შინაგან საქმეთა სამინისტროს ბრძანება მოქმედებს, რომლის მიხედვითაც აუცილებელია შენობაში საევაკუაციო გასავლელების არსებობა და ა.შ. თუმცა რეალურად ბრძანების უმრავლესობა არ სრულდება და ამ სფეროში ერთი დიდი ქაოსი შეიქმნა, რომელსაც არავინ აკონტროლებს.
- კანონმდებლობა არც იმას არეგულირებს, უსაფრთხოების რა მინიმალურ ნორმებს უნდა აკმაყოფილებდეს სასტუმრო ათეულობით ბავშვის მისაღებად?
- სამწუხაროდ, როცა ანსამბლსა და სასტუმროს შორის ხელშეკრულება ფორმდება, არავინ ფიქრობს უსაფრთხოების ნორმებზე, ამას არც კანონმდებლობა არეგულირებს... სხვათა შორის, ანალოგიური პრობლემებია სკოლებშიც, სადაც ათასობით ბავშვი ყოველდღიურად რამდენიმე საათს ატარებს. არ მინდა პანიკის გაღვივებას შევუწყო ხელი, მაგრამ ფაქტია, ამ მხრივ სკოლებიც აბსოლუტურად დაუცველია.
- და ვინ არის ამაზე პასუხისმგებელი? კიდევ ერთი საკითხი - ითქვა, რომ ტრაგედიაზე პასუხისმგებელი ანსამბლის ხელმძღვანელობაა, რომლებიც ხანძრის გაჩენის დროს, სასტუმროს მფლობელის განცხადებით, ქეიფობდნენ. საშუალოდ რამდენი მომვლელი უნდა გაყვეს საბავშვო ანსამბლს, არც ესაა განსაზღვრული?
- მომვლელების ოპტიმალური ვარიანტი საბავშვო ბაღებშიც კი არ არსებობს. ბუნებრივია, რაოდენობა სკოლაშიც არ არის განსაზღვრული, მით უმეტეს, როცა მოზარდები გასტროლზე მიდიან. რაც შეეხება პასუხისმგებლობას, თითოეულ ბავშვის უსაფრთხოებაზე სკოლის ხელმძღვანელობამ უნდა იზრუნოს.
- საზღვარგარეთ სკოლის მოსწავლეებს საგანგებო სიტუაციებში მოქმედების პრაქტიკული გაკვეთილები უტარდებათ. საქართველოში ამ მხრივ რა მდგომარეობაა?
- ამ მხრივ გამართული სისტემა არ არსებობს. ექიმების კაბინეტებიც კი გააუქმეს. რაც შეეხება ბავშვების მომზადებას, კომუნისტების დროსაც კი ისწავლებოდა, როგორ უნდა იმოქმედონ პატარებმა ხანძრის შემთხვევაში, თუმცა ეს გაკვეთილები დიდი ხანია გაუქმდა. ფაქტია, ქობულეთში გარდაცვლილმა ბავშვებმაც არ იცოდნენ, როგორ მოქცეულიყვნენ. ელემენტარულია, ხანძრის დროს იატაკზე ხოხვით უნდა გადაადგილდე. შესაძლოა, ამ ბავშვებმა მართლაც იფიქრეს, რომ ცეცხლისგან თავი აბაზანაში უნდა დაეცვათ. დღეს ამ მიმართულებით განათლების სამინისტრო აბსოლუტურად არაფერს აკეთებს, არადა ეს სასიცოცხლოდ მნიშვნელოვანი საკითხებია. უსაფრთხოების გაკვეთილები სკოლებში ცალკე საგნებად უნდა ისწავლებოდეს. იმედი მაქვს, ქობულეთში მომხდარი ტრაგედია განგაშის ზარი გახდება ბევრისთვის და როგორც მთავრობა, ისე პარლამენტი საკანონმდებლო რეგულაციებს გაამკაცრებს და ბავშვებისთვის პირველადი ცოდნის მიღებას უზრუნველყოფს.
რუსუდან შელია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
