შვეიცარიაში სროლის დროს რამდენიმე ადამიანი დაიღუპა

შვეიცარიის ქალაქ ვიურენლინგენში უცნობი პირების მიერ ცეცხლის გახსნის შედეგად რამდენიმე ადამიანი დაიღუპა. "ბიბისის" ინფორმაციით, პოლიცია შემთხვევის ადგილზე მას შემდეგ მივიდა, რაც სროლის თაობაზე შეტყობინება შევიდა. ადგილზე მისულ პოლიციას რამდენიმე გარდაცვლილი დახვდა. თუმცა, გარდაცვლილთა რაოდენობა და ვინაობა ამ დრომდე უცნობია.

ვიურენლინგენი ციურიხის ჩრდილო-დასავლეთით მდებარე ქალაქია, რომელიც ძირითადად გერმანულენოვანი მოსახლეობით არის დასახლებული. ქალაქში 4 ათასამდე მოსახლე ცხოვრობს.

"ინტერპრესნიუსი"