24
მაისიდღის ზოგადი ასტროლოგიური პროგნოზი
აჭარაში პოლონელი ტურისტების რაოდენობა ყოველწლიურად იზრდება. 2015 წელს პოლონეთი კვლავ მნიშვნელოვან სამიზნე ტურისტულ ბაზრად რჩება რეგიონისათვის. აპრილის თვიდან სარეკლამო კამპანიის ფარგლებში აჭარა-ბათუმის პოპოულარიზაცია ერთდროულად პოლონეთის რამდენიმე ქალაქში მიმდინარეობს : ვარშავა, კატოვიცე, პოზნანი, ჩესტოხოვა, გლივიცე. რეკლამების გეოგრაფიული არეალი მოიცავს ასევე სილეზიის რეგიონის ქალაქებს : ზაბჟე, ტიხი, ჩელადზ, მისლოვიცე და სხვა.
გარდა გარე რეკლამებისა, აღნიშნულ ქალაქებში მოხდა ავტობუსების ბრენდირება ბათუმის ფოტოებით (60 ავტობუსი), განთავსდა სარეკლამო რგოლები ქალაქების ფიტნეს ცენტრებში (61 ფიტნეს ცენტრი, 152 ეკრანი). 10 მარტიდან 18 აგვისტომდე კი ხორციელდება ინტერნეტ რეკლამა პოპულარულ პოლონურ საიტზე interia.pl-ზე.
აჭარის ტურიზმის დეპარტამენტმა პოლონეთში სარეკლამო კამპანიის ფარგლებში მოლაპარაკებები აწარმოა ერთ-ერთ უმსხვილეს პოლონურ ტუროპერატორთან "Rainbow Tours"-თან, რომლის შედეგადაც 2015 წლის სეზონისათვის კომპანია პოლონეთის სამი ქალაქიდან ჩარტერულ ფრენებს კვლავ განაახლებს.
"Rainbow Tours"-ის ორგანიზებით ბათუმში ჩარტერული ფრენები ვარშავიდან, კატოვიცედან და პოზნანიდან განხორციელდება. ფრენები ივნისიდან ოქტომბრის დასაწყისამდე კვირაში ორჯერაა დაგეგმილი.
აჭარის ტურიზმის დეპარტამენტმა აპრილის თვეში ორგანიზება გაუწია ასევე მედია ტურს, რომლის ფარგლებშიც აჭარის ტურისტულ პოტენციალს გაეცნნენ პოლონეთის წამყვანი რადიოების (Polskie Radio, Radio Czwórka), სამოგზაურო ონლაინ პორტალების (podroze.wp.pl, podroze.onet.pl, Fly4Free.pl) პოპულარული ჟურნალების (Gala,Voyage) წარმომადგენლები. მედია ტურის ფარგლებში მოწვეული იყო ასევე პოლონეთის ცენტრალური ტელევიზიის TVP- ს გადამღები ჯგუფი. ზაფხულის სეზონამდე აღნიშნულ მედია საშუალებებში აჭარა-ბათუმის შესახებ სარეკლამო ხასიათის სტატიები და სიუჟეტები მომზადდება.
აღსანიშნავია, რომ 2014 წელს 2013 წელთან შედარებით რეგიონის სასტუმროებში 29,1%-ით მეტი პოლონელი ტურისტი იმყოფებოდა. 2015 წლის სეზონზე "Rainbow Tours" ავიაფრენების ფარგლებში მგზავრთა რაოდენობის 30%-ით გაზრდას ვარაუდობს.
