მნიშვნელოვანი ინფორმაცია
13
ივნისიდღის ზოგადი ასტროლოგიური პროგნოზი
პარასკევი, მთვარის მეთვრამეტე დღე დაიწყება 00:43-ზე და გაგრძელდება 14 ივნისს, შაბათს –
იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ქართველი ჯარისკაცების მონაწილეობის შანსი აფრიკელი ბავშვების გაუპატიურების საქმესთან ნულთან მიახლოებულია" - ჩიორა თაქთაქიშვილი ამაზრზენ დანაშაულზე
03:17 / 01-05-2015
30 აპრილს ტელეკომპანია "რუსთავი 2"-მა გაავრცელა ინფორმაცია, რომლის მიხედვითაც ქართველი და ფრანგი ჯარისკაცები ცენტრალურ აფრიკაში გაუპატიურებაში არიან ეჭვმიტანილები. მომხდარს საკუთარი "ფეისბუქის" გვერდზე ჩიორა თაქთაქიშვილიც გამოეხმაურა, რომელმაც შემთხვევა ქართული ჯარის დისკრედიტაციად მიიჩნია:
"გაოგნებული ვარ ცენტრალურ აფრიკაში ფრანგი ჯარისკაცების მიმართ არსებული სექსუალური ძალადობის ბრალდებების ქართველებზე გადმობრალებით!
ელემენტარული ღია წყაროების გადამოწმებითაც კი ცხადია, რომ ქართველი ჯარისკაცების მონაწილეობის შანსი ამ ამაზრზენ დანაშაულში ნულთან მიახლოებულია. საფრანგეთის ოფიციალური მხარეც ადასტურებს, რომ არავითარი მტკიცებულება არ არსებობს ქართველი ჯარისკაცების წინააღმდეგ. მაშინ, რატომ ვიგებთ ამ ინფორმაციას იმ რაკურსით, რაც მხოლოდ ქართული ჯარის დისკრედიტაციას ისახავს მიზნად?
რამდენიმე ფაქტი ინტერნეტიდან, რაც ამ ინფორმაციის გავრცელებიდან რამდენიმე წუთში მოვიძიე:
1. The guardian, რომელმაც პირველად გამოაქვეყნა ეს ინფორმაცია, საერთოდ არ საუბრობს ქართველ ჯარისკაცებზე.
2. არც Libération, არც Le Monde და არც ბევრი სხვა კვალიფიციური ფრანგული გამოცემა არ ახსენებს ქართველებს, ისინი მხოლოდ 14 ფრანგი ჯარისკაცის წინააღმდეგ გამოძიებაზე საუბრობენ.
3. ეს ბრალდებები ეხება 2013 წლის დეკემბერი - 2014 წლის ივნისის პერიოდს, ქართველი ჯარისკაცების სამშვიდობო მისია კი 2014 წლის მეორე ნახევარში ჩავიდა აფრიკაში.
4. ქართველების შესაძლო მონაწილეობის შესახებ ინფორმაციის ერთადერთი წყაროა Franceinfo-ზე გასული აუდიო მასალა, სადაც ანონიმური ქალი ამბობს, რომ "ფრანგები და ქართველები ბავშვებზე სექსუალურად ძალადობნენო". ასეთი ზოგადი ბრალდება არ შეიძლება გახდეს არც ზოგადად და არც რომელიმე კონკრეტული ქართველი ჯარისკაცის დამნაშავეებად შერაცხვის საფუძველი.
მაშინ მიჩნდება კითხვები:
რატომ შუქდება ეს თემა ამ ფორმით ქართულ მედიაში? აშკარაა, რომ აუდიტორიას სერიოზული ეჭვი გაუჩნდა ქართველი ჯარისკაცების მიმართ.
რატომ არ ეყრდნობიან ისინი პირველწყაროებს? რუსული საიტებიდან ხომ არ იგებენ ინფორმაციას სწორედ ასეთი რაკურსით, რომლის მიზანი ქართული ჯარის დისკრედიტაციაა?
შედეგი? იმერლიშვილი ამბობს, გამოძიებაში ჩავერთვებითო! ანუ, დაასკვნა, რომ საკმარისი საფუძველი არსებობს უკვე გამოძიების დასაწყებად? მიუხედავად იმისა, რომ არცერთ ქართველ ჯარისჯაცზე არ არსებობს არავითარი მტკიცებულება?
მოვითხოვ, რომ სახელმწიფომ თავის თავზე აიღოს ცენტრალური აფრიკის სამშვიდობო მისიაში მონაწილე ქართველი ჯარისკაცების სათანადო ადვოკატებით უზრუნველყოფის ხარჯები, თუკი მათ მიმართ დაიწყება საგამოძიებო მოქმედებები" - წერს თაქთაქიშვილი.
მომხდართან დაკავშირებით, საქართველოს შეიარაღებული ძალების გენერალური შტაბის უფროსმა ვახტანგ კაპანაძემ, ჟურნალისტებთან საუბრის დროს განაცხადა, რომ იმ პერიოდში, რა პერიოდიც სახელდება დანაშაულის ჩადენის თარიღად, ქართველი სამხედროები ცენტრალურ აფრიკაში საერთოდ არ იმყოფებოდნენ.
"95 პროცენტით ეჭვი მეპარება, რომ ქართველმა სამხედროებმა ცენტრალურ აფრიკაში დანაშაული ჩაიდინეს", - აღნიშნა კაპანაძემ.
ასევე, დღეს სატელევიზიო გამოსვლის დროს, საქართველოს პრემიერ-მინისტრმა ირაკლი ღარიბაშვილმა მედიას გადაუმოწმებელი ინფორმაციის გავრცელების გამო, საჯაროდ ბოდიშის მოხდისკენ მოუწოდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
