მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვის დაჰყავს თაკო ჩორგოლაშვილის მანქანა ტექმომსახურების ცენტრში
23:37 / 27-04-2015
ტელეწამყვან თაკო ჩორგოლაშვილის პირველი მანქანა"გოლფ 3" იყო, რომელიც ოჯახის დახმარებით შეიძინა. დღემდე სულ სამი მანქანა ჰყავს შეცვლილი, მეოთხე მისი თეთრი"მერსედესია", რომლითაც ძალიან კმაყოფილია და ამბობს, რომ ამ მარკის მანქანის ღალატი გაუჭირდება.
- მანქანების მიმართ ინტერესი ბავშვობიდან მქონდა, თან ძალიან მინდოდა, კარგად მესწავლა მართვა. მიჩნდებოდა საჭესთან დაჯდომის სურვილიც და ვერ ვიტყვი, რომ ამ სურვილს არ ვისრულებდი. მანქანის მოდელებით ნაკლებად ვინტერესდებოდი, მაშინ სულ რამდენიმე მარკის მანქანა ვიცოდი. მათთვის, ვისაც მართვის მოწმობა არ აქვს, მთავარი ამოცანაა, ოჯახის წევრები მანქანის თხოვებაზე დაითანხმოს (იღიმის).
მანქანის ტარება რეალურად დაახლოებით 14 წლისამ ვისწავლე. ცოტა ადამიანია, ვის გვერდითაც თავს უსაფრთხოდ ვგრძნობ. ბავშვობიდან მიმაჩნდა, რომ მამა მანქანას ყველაზე კარგად ატარებდა და მინდოდა, ასევე კარგად ესწავლებინა ჩემთვისაც. არ გამჭირვებია და პირველივე მცდელობაზე შინ მშვიდობით დავბრუნდით. არ მახსოვს, პრაქტიკა რამდენ ხანს გაგრძელდა, მაგრამ დამოუკიდებლად ტარება მალე დავიწყე.
- ალბათ, მართვის მოწმობა ადვილად აიღე.
- რადგან მართვა უკვე ვიცოდი, მხოლოდ აუტანელი რაოდენობის ტესტების სწავლა მომიხდა. დაახლოებით ოთხ დღეში ქალაქში სიარულის წესებსა და თეორიას გავეცანი და რუსთავის გზას ბებიასთან ერთად გავუყევი. მგონია, რომ ამ დროს ბევრ გულშემატკივართან ყურადღების გაფანტვას სჯობს, კონკრეტულ დავალებაზე იყო ორიენტირებული. თეორიული და პრაქტიკული გამოცდაც პირველივე ჯერზე წარმატებულად გავიარე, ჩემზე გამოცდილი მძღოლებისგან განსხვავებით (იღიმის).
- პირველი მანქანის შეძენა შენი დანაზოგით მოახერხე?
- ჩემი პირველი მანქანა"გოლფ 3" ოჯახის დახმარებით ვიყიდე. მაშინ არ ვმუშაობდი, ასეთ სიტუაციაში კი მშობლებისგან რაღაცების მოთხოვნა უფრო მარტივია. მას შემდეგ სამი მანქანა შევიცვალე, ეს"მერსედესი" მეოთხეა. მეგობართან ერთად შევარჩიე, რომელსაც ჩემზე მეტად უნდოდა, რომ კარგი მანქანა მეყიდა. იცოდა, ტექმომსახურების ცენტრში ჩემ მაგივრად მოუწევდა სიარული, ამიტომ, პირველ რიგში, თავის თავზე ფიქრობდა (იცინის). ალბათ, ყოველთვის მენდომება, მყავდეს"მერსედესის" ფირმის მანქანა. არა მგონია, ოდესმე მის ემბლემას ვუღალატო, რომელიც, სხვათა შორის, ნიშნავს წარმატებას მიწაზე, წყალსა და ჰაერში…. ვფიქრობ, ამ სამარკო ნიშნის ქვეშ იგულისხმება კომფორტი, მდგრადობა, კარგი მანევრი და ლამაზი ვიზუალი.
იხილეთ გაგრძელება
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
