ჩინეთის ზოგიერთ პროვინციაში დაკრძალვის უჩვეულო რიტუალი აქვთ - მიცვალებულების "დამტირებლებად" სტრიპტიზის მოცეკვავეებს ქირაობენ. რა თქმა უნდა, ისინი პირდაპირი მნიშვნელობით ვერ დაიტირებენ გარდაცვლილს, თუმცა საიქიოში მიმავალს ერთ ეგზოტიკურ ცეკვას მაინც გაატანენ...
ჭირისუფლებს სწამთ, რომ რაც უფრო მეტი ადამიანი მივა დაკრძალვაზე, მით მეტად დაფასებული იქნება მათი მიცვალებული საიქიოს. ერთი ვერსიით, სწორედ ამიტომაც, ხალხის მოზიდვის მიზნით დაიწყეს ჩინელებმა დაკრძალვაზე სტრიპტიზიორების დაქირავება.
თუმცა ამიერიდან ჭირისუფლებს სტრიპტიზიორების გარეშე მოუწევთ დასაფლავების გამართვა. ჩინეთის კულტურის სამინისტროს განცხადებით, ხელისუფლება აპირებს პოლიციასთან მჭიდროდ თანამშრომლობას და მსგავსი ტიპის "პერფორმანსების" აღმოფხვრას.
