მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
იური ვაზაგაშვილის მკვლელობაში ბრალდებული გია სოსანაშვილის განცხადება ციხიდან
08:14 / 22-04-2015
დნმ-ის ნიმუში, რომელიც იური ვაზაგაშვილის აფეთქების ადგილიდან არის ამოღებული და რომლის იდენტიფიცირებაზეც გამოძიება მუშაობს, გენინსპექციის სამმართველოს უფროსს როინ ასანიძეს ეკუთვნის, - ამის შესახებ ვაზაგაშვილის მკვლელობაში ბრალდებულ გია სოსანაშვილის განცხადებაშია აღნიშნული, რომელიც დღეს პროკურატურაში ადვოკატმა სოსო ჯოგლიძემ შეიტანა.
როგორც ადვოკატმა აღნიშნა, მისი დაცვის ქვეშ მყოფ გია სოსანაშვილს სასჯელაღსრულების დაწესებულებაში გუშინ შეხვდა, ესაუბრა და განცხადებაც სწორედ გუშინ წამოიღო. ადვოკატის თქმით, სოსანაშვილი ამბობს, რომ 2015 წლის 6 თებერვალს მისგან დნმ-ის სინჯები აიღეს, რომლის გაყალბებით გადატანა მოხდა ვაზაგაშვილის აფეთქების ადგილას. ადვოკატის თქმით, სოსანაშვილს დნმ-ს ნიმუში საკუთარ კაბინეტში გენინსპექციის სამმართველოს უფროსმა როინ ასანიძემ აუღო და შემდეგ აფეთქების ადგილას გადაიტანა, სადაც ასანიძის კვალიც დარჩა. ადვოკატის თქმით, სოსანაშვილი აცხადებს, რომ იგი გენინსპექციაში თავდაპირველი დაბარების შესახებ დაუკავშირდა თავის ხელმძღვანელობას და კიდევ ერთ პირს, რომელსაც ჯერჯერობით არ ასახელებს და დაბარების შესახებ აცნობა.
რაც შეეხება გია სოსანაშვილის განცხადების ტექსტს, რომელიც დღეს პროკურატურაში მისმა ადვოკატმა მიიტანა, ასეთია.
"მოგეხსენებათ, რომ 2015 წლის 06 თებერვალს ჩემს მიმართ უკანონოდ, ყოველგვარი დასაბუთების გარეშე, შსს-ს გენერალურ ინსპექციაში, კერძოდ, მაღალჩინოსან როინი ასანიძის მხრიდან, განხორციელდა მოტყუებით, უკანონოდ ჩატარებული საგამოძიებო მოქმედება ორი ექსპერტის კრიმინალისტის დახმარებით, რომლებიც მან გამოიძახა ამ ყველაფრისთვის. კერძოდ, თვითონვე ჩამიტარა ნარკოლოგიური შემოწმება თავისივე კაბინეტში და შემდეგ ექსპერტ-კრიმინიალისტების დახმარებით პირის ღრუდან ამიღეს გენეტიკური (დნმ) ექსპერტიზის ნიმუშები და თუ რაში სჭირდებოდათ, არ უთქვამთ, რასაც არ ესწრებოდა ჩემი ადვოკატი, რომელიც ამ შემთხვევაში აუცილებელია, და ნიმუში ჩემი არ დალუქულა, არ დასურათებულა და შესაბამის პაკეტზე, რომელიც უნდა დალუქულიყო, მე და იმ დამსწრე პირებს ხელი არ მოგვიწერია და თარიღიც არ დასმულა. პირიქით, სპეციალური, ნარკოლოგიური შემოწმების, შარდის ანალიზის ქილიდან, წებოვანი ფირფიტით, იცით თქვენ აღნიშნული რაცაა, ჩემი დნმ-ის ნიმუში გადატანილი იქნა ხელყუმბარის სახელურზე, რომელიც შემდეგ, მეორე დღეს 07 თებერვალს ჩემი დაკავებისას იქნა გამოყენებული ჩემს სამხილად პროკურატურაში, და გენეტიკური ექსპერტიზის დასკვნას, რომელიც აღმოაჩინეს ხელყუმბარის სახელურზე ბაჟოლური წილი, რომელიც ჩემი დნმ-ის იდენტურია, მინორული წილი როინი ასანიძეს ეკუთვნის. ყოველივე ზემოთაღნიშნულზე, არ დავკითხულვარ არც მე და არც როინი ასანიძე და არა მარტო დაიკითხოს, აუღონ მასაც დნმ-ის ნიმუში და სიმართლეს ყველა გაიგებს. ამასთან დაკავშირებით მე ორჯერ განვუცხადე მთავარი პროკურატურის გამომძიებელ ჭანკოტაძეს, რაზეც მიპასუხა გავარკვევო, და ყოველივე სიმართლის გარკვევის ნაცვლად 17.04.2015 აპრილს ბრალი 103 მუხლის მესამე ნაწილის ბე პუნქტით დამიმძიმეს, რაშიც ვარ უდანაშაულო და იურა ვაზაგაშვილის მკვლელობასთან საერთოდ კავშირიც არ მაქვს. გთხოვთ, შეძლებისდაგვარად ხმა მიაწვდინოთ შესაბამის უწყებებს, რათა გაიგონ ჩემს წინააღმდეგ განხორციელებულ უკნონო ქმედებებზე და დაიკიხოს და ჩაუტარდეს გენეტიკური ექსპერტიზის ნიმუში როინი ასანიძეს. წინააღმდეგ შემთხვევაში ჩემი სიმართლე და უდანაშაულობა გაურკვეველი დარჩება.
პატივისცემით, გიორგი სოსანაშვილი", - ნათქვამია სოსანაშვილის განცხადებაში, რომლითაც მან საქართველოს სამართალდამცავთა დაცვის ლიგას მიმართა.
ხათუნა გაგნიძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
