ქართველი რეჟისორის რეკორდი ამერიკულ კინოგაქირავებაში! - 16 მილიონი ერთ კვირაში და ლიდერობა "ფორსაჟი 7"-ის შემდეგ
მცირე ბიუჯეტის მქონე საშინელებათა ფილმმა, სახელწოდებით "მეგობრებიდან ამოშლა", რომლის რეჟისორი ლევან გაბრიაძეა, ამერიკულ კინოგაქირავებაში დიდ წარმატებას მიაღწია. კინოთეატრებში გამოსვლის პირველ კვირაში ფილმმა 16 მილიონი დოლარის ოდენობის შემოსავალი ნახა და გაქირავებაში მესამე ადგილი დაიკავა. მას გაუსწრეს "ფორსაჟის" მეშვიდე სერიამ და კომედიამ "სუპერმარკეტის პოლიციელი 2".
აღსანიშნავია, რომ ფილმის ბიუჯეტი მხოლოდ 1 მილიონი დოლარი იყო, ქართველი რეჟისორის სურათმა ეს თანხა 16-ჯერ ამოიღო მარკეტინგული ხარჯების გარეშე. ფილმის სიუჟეტი ექვსი მეგობრის ირგვლივ ვითარდება, რომლებსაც უცნობი ჰაკერი ატერორებს. ჰაკერს წვდომა აქვს მათ მიმოწერებსა და პირად ფოტოებზე. კიბერდამნაშვეს უნდა შეიტყოს, თუ ვინ გამოაქვეყნა ინტერნეტში სკანდალური ვიდეო, რომელშიც მათი თანაკლასელი თავს იკლავს. ფილმი ორიგინალურადაა გადაღებული - მთელი ქრონომეტრაჟი, მოქმედება კომპიუტერის სამუშაო მაგიდაზე მიმდინარეობს.
"ფილმის ხილვისას თქვენ მხოლოდ დესკტოპს დაინახავთ, თითქოს თქვენს კომპიუტერში ვიღაც შეძვრა და თქვენ მის შესაჩერებლად ვერაფერს აკეთებთ. არანაირი კამერული მოძრაობები, არაფერი კინოგადაღებისთვის დამახასიათებელი, ყველაფერი ისეა, როგორც ცხოვრებაში. მაყურებელს მოუნდება, "მაუსი" გაამოძრაოს, რომ ფილმის გმირებს დაეხმაროს, მაგრამ ეს შეუძლებელია", - განაცხადა რეჟისორმა ლევან გაბრიაძემ.
AMBEBI.GE
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
