მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ალექსანდრ ლუკაშენკო მოსკოვში 9 მაისის აღლუმს არ დაესწრება
09:21 / 18-04-2015
ბელორუსის პრეზიდენტი, ალექსანდრ ლუკაშენკო მეორე მსოფლიო ომის დასრულების 70-ე წლისთავთან დაკავშირებით მოსკოვში არ გაემგზავრება. ამის შესახებ "ბიბისი" იტყობინება. გავრცელებული ცნობით, ალექსანდრ ლუკაშენკო 9 მაისის აღლუმს მინსკში დაესწრება. პრეზიდენტის განმარტებით, აღლუმი ბელორუსში მხოლოდ პრეზიდენტმა უნდა ჩაიბაროს, ამიტომაც ის მოსკოვში ვერ გაემგზავრება. ამასთან, რუსული მედია იტყობინება, რომ ლუკაშენკო რუსეთს 7-8 მაისს ეწვევა და უცნობი ჯარისკაცის მემორიალს გვირგვინით შეამკობს.
"მოსკოვიდან ვეცდები 8 მაისს დავბრუნდე უკან ბელორუსში, რადგან 9 მაისს აღლუმი ჩავიბარო. მე არ ვეთანხმები იმ პოლიტიკოსებს, რომლებმაც უარი თქვეს მოსკოვში 9 მაისის ღონისძიებებზე დასწრებაზე. სხვა საკითხია, როდესაც ღონისძიებას რაიმე საქმის გამო ვერ ესწრები", - განაცხადა ლუკაშენკომ "რია ნოვოსტისთან" ინტერვიუში.
9 მაისის ღონისძიებებზე დასასწრებად მოსკოვში გამგზავრებაზე უარი არაერთმა მსოფლიო ლიდერმა განაცხადა. მათ შორის: დიდი ბრიტანეთის პრემიერ-მინისტრმა, დევიდ ქემერონმა, გერმანიის კანცლერმა, ანგელა მერკელმა, ევროპული საბჭოს პრეზიდენტმა, დონალდ ტუსკმა, აშშ-ის პრეზიდენტმა ბარაქ ობამამ, ასევე პოლონეთის, ლიტვის, ლატვიის, ესტონეთის, ბულგარეთის და სლოვაკეთის პირველმა პირებმაც. ისინი ღონისძიებაზე დასწრებაზე უარის თქმის მიზეზად რუსეთის მიერ უკრაინის კონფლიქტის ესკალაციას ასახელებენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
