მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ინტერპოლის სიიდან ადეიშვილის ამოღებას, სტატუსის გარდა, სხვა გარემოებები აქვს"
14:08 / 17-04-2015
თბილისის ყოფილ პროკურორს მაია მწარიაშვილს ეჭვი აქვს, რომ ზურაბ ადეიშვილის ინტერპოლის სიიდან ამოღებას, სტატუსის გარდა, სხვა გარემოებები აქვს.
როგორც მწარიაშვილმა "ქრონიკის" ეთერში განაცხადა, ბოლომდე სიმართლეს არც ერთი მხარე არ ამბობს - არც პროკურატურა და არც დაცვის მხარე. მწარიაშვილის თქმით, ჯერ კიდევ მისი პროკურორობის პერიოდში ქართული მხარე მუდმივ კონტაქტში იყო ინტერპოლთან და პირველი მოთხოვნა 2013 წლის იანვარ-თებერვალში გაიგზავნა; ამასთან, ინტერპოლთან კომუნიკაცია თითქმის მთელი წლის განმავლობაში მიმდინარეობდა, ვიდრე საბოლოო დასტური იქნა მიღებული წითელი ცირკულარით ძებნაზე, რაც 2013 წლის ნოემბრის დასაწყისში მოხდა.
"რაც შეეხება სიიდან ამოღების თემას, მე ყურადღება მივაქციე პროკურატურის პირველ განცხადებას, რომ "ძებნიდან მოხსნის მთავარი საფუძველი იყო, რომ ერთ-ერთმა ქვეყანამ ადეიშვილს ლტოლვილის სტატუსი მიანიჭა". ჯერ მგონია, რომ ამ ტერმინს არასწორად ხმარობენ, ვინაიდან ლტოლვილი ჰუმანიტარულ ამბებს უკავშირდება და არა ასეთ შემთხვევებს. აქ პოლიტიკურ დევნილობაზე და თავშესაფარზეა ხოლმე საუბარი. პროკურატურა ამბობს, რომ ეს იყო ერთ-ერთი მთავარი საფუძველიო, ამიტომ მე ვივარაუდე, რომ სხვა საფუძვლებიც არის. მას შემდეგ, რაც ცნობილი გახდა, რომ ეს სტატუსი ადეიშვილს ძებნაზე დასმამდეც ჰქონდა, პროკურატურამ მეორე განცხადება გააკეთა და თქვა, რომ რეგულაციები შეიცვალა და სწორედაც ასეა - 2013 წლის ბოლოს, როდესაც დასვეს წითელი ცირკულარით ძებნაზე, მას უკვე გააჩნდა დევნილის სტატუსი და მაშინ ეს არ გამხდარა უარის თქმის საფუძველი. ამიტომ მე მაქვს საფუძვლიანი ეჭვი ვივარაუდო, რომ რაღაც სხვა გარემოებები დაემატა კიდევ ამ ამბავს და ეს არ არის ერთადერთი ან მთავარი გარემოება", - განაცხადა მწარიაშვილმა.
მისივე აზრით, მიუხედავად იმისა, რომ ადეიშვილი მთელი ამდენი ხნის განმავლობაში წითელი ცირკულარით ძებნილი იყო, "ჩვენ ეს ამბავი არაფერში გამოგვადგა, ვინაიდან წითელი ცირკულარის აზრი მდგომარეობს იმაში, როდესაც არ იცი, სად იმყოფება ადამიანი და ძებნაში გეხმარებიან, ჩვენ კი კარგად ვიცით, სად იმყოფება ზურაბ ადეიშვილი".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
