რა საინტერესო ისტორიის გახსენება სთხოვა პრემიერმა "სოლიდარობის ფონდის" ხელმძღვანელს
"სოლიდარობის ფონდის" სამეთვალყურეო საბჭოს სხდომაზე პრემიერმა "სოლიდარობის ფონდის" ხელმძღვანელს, მარიამ ჯაშს ფონდის საქმიანობასთან დაკავშირებით საინტერესო ისტორიის გახსენება სთხოვა.
მარიამ ჯაშმა 4 წლის ნიკოლოზზე ისაუბრა, რომელიც თურქეთში სამკურნალოდ გააგზავნეს. როგორც მარიამ ჯაშმა აღნიშნა, რამდენიმე დღის წინ, აღდგომის დღესასწაულზე, ლიტანიობის ღამეს "სოლიდარობის ფონდის" სრულმა შემადგენლობამ, ასევე ყოფილ ფეხბურთელ არჩილ არველაძესთან ერთად გააცილეს 4 წლის ნიკოლოზი თურქეთში სამკურნალოდ.
"ნიკოლოზს სჭირდებოდა ძვლის ტვინის ტრანსპლანტაცია. რამდენადაც ვერც საკუთარი ღეროვანი უჯრედები და ვერც ნათესაური დონორი ვერ მოიძებნა, ეს სერვისი 200 000 დოლარის ღირებულების იყო. აქედან 20 000 დოლარი დაფინანსდა ჯანდაცვის სამინისტროს რეფერალური კომისიის მიერ, 15 000 დოლარი შეგროვდა მეგობრების და ხალხის მიერ, გამომდინარე იქიდან, რომ ის რეგიონში მცხოვრებია, თბილისის მერია ვერ შეძლებდა ფინანსურ დახმარებას და 165 000 დოლარი "სოლიდარობის ფონდმა" დაამტკიცა", - განაცხადა მარიამ ჯაშმა. მისივე თქმით, პირველი ტრანში უკვე გადარიცხულია და უკვე ეტაპობრივად 5 თვის პერიოდში მოხდება გადარიცხვები.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
