"მისი თავგადასავალი უპრეცედენტოა" - რას წერს ფრანგული გამოცემა ეკა ზღულაძის შესახებ

ფრანგული გამოცემა L'obs-ი ეკა ზღულაძის შესახებ მცირე სტატიას აქვეყნებს, რომელშიც ავტორი უკრაინის შინაგან საქმეთა მინისტრის მოადგილეს ნაზ და ლამაზ ქალად მოიხსენიებს, რომელმაც პარიზში ოჯახურ და მშვიდ ცხოვრებას უკრაინაში მინისტრის მოადგილის პოსტი ამჯობინა.

"მისი თავგადასავალი უპრეცედენტოა. ეს ადამიანი ორი სხვადასხვა ქვეყნის მინისტრთა კაბინეტში მოხვდა. ეს ეკა ზღულაძეა. ეს ნაზი და ლამაზი ქალი ქართულ პოლიციაში მაშინ მივიდა, როდესაც ჯერ 30 წლისაც კი არ იყო. საქართველოში მისი ბრძოლა კორუფციასთან იმდენად წარმატებული აღმოჩნდა, რომ გასული წლის დეკემბერში უკრაინის პრეზიდენტმა პეტრო პოროშენკომ მას უკრაინის შინაგან საქმეთა მინისტრის მოადგილის პოსტი შესთავაზა. პოსტის მისაღებად მას უარი უნდა ეთქვა საქართველოს მოქალაქეობაზე და დაეთმო პარიზში საყვარელ მეუღლესთან ერთად მშვიდი ცხოვრება", - ნათქვამია სტატიაში, რომელიც L'obs-მა ეკა ზღულაძეს მიუძღვნა.