აფხაზეთის სკოლების ქართველი მასწავლებლების ცნობით, განათლების სამინისტროს დახმარება წელს არ მიუღიათ
ოკუპირებული აფხაზეთის სკოლებში დასაქმებულ ქართველ მასწავლებლებს საქართველოს მთავრობის მიერ გამოყოფილი თანხა ახალი წლის შემდეგ არ მიუღიათ. როგორც გალის სკოლის მასწავლებლებმა "ლაივპრესს" განუცხადეს, მათ 200 ლარი კვარტალში ერთხელ ერიცხებოდათ, ახლა კი ეს პროცესი დაგვიანდა. მიზეზი მათთვის უცნობია.
პედაგოგების ბრალდებას გალის რესურსცენტრის ხელმძღვანელი ნონა შონია პასუხობს და აცხადებს, რომ ამ მხრივ არანაირ შეფერხებას და დაგვიანებას ადგილი არ აქვს. მისი განცხადებით, ახალი წლის შემდეგ მასწავლებელთა მონაცემების გადამოწმება ხდება და თანხა ჩვეულებრივზე ოდნავ გვიან ირიცხება, რაზეც თავად სასწავლო დაწესებულების თანამშრომლები ინფორმირებული არიან.
საუბარია საქართველოს განათლებისა და მეცნიერების სამინისტროს მიერ სპეციალური პროგრამის ფარგლებში, გალის სკოლების ქართველი პედაგოგებისთვის კვარტალში ერთხელ გამოყოფილ 200 ლარზე.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
