2
ივნისიდღის ზოგადი ასტროლოგიური პროგნოზი
რუსეთი თუ ირანს საზენიტო კომპლექს "С-300"-ს მიაწვდის, შესაძლებელია, ისრაელმა საქართველოსა და უკრაინაში იარაღის მიწოდება დაიწყოს. ებრაული რუსულენოვანი გამოცემა "კურსორი"-ს ცნობით, ასე მიიჩნევენ უსაფრთხოების საკითხებში სპეციალისტები. ამასთანავე, "С-300"-ს მხოლოდ დაჰპირდნენ და ისრაელის სამხედრო სამრეწველო კომიტეტი ჯერჯერობით მოვლენათა განვითარებას ელოდება.
გამოცემის თანახმად, მიუხედავად იმისა, რომ რუსეთი ირანს საზენიტო სარაკეტო კომპლექსის უკანასკნელი მოდიფიკაციის მოდელს არ მიაწვდის, რომელსაც სტრატეგიული დანიშნულება გააჩნია, "С-300"-ს შეუძლია სერიოზული საფრთხე შეუქმნას სამხედრო თვითმფრინავებს: რაკეტებს მიზნის განადგურება 150 კილომეტრის მანძილზე შეუძლია.
"კურსორი" წერს, რომ 2010 წელს რუსეთმა ირანისთვის აღნიშნული "С-300"-ის მიწოდებაზე უარი თქვა ისრაელის მხრიდან უპრეცედენტო ზეწოლის გამო, თავის მხრივ კი ისრაელმა მაშინ უარი განაცხადა საქართველოსა და უკრაინისთვის იარაღის მიწოდებაზე.
"უკრაინა უკიდურესად დაინტერესებული იყო ისრაელის უახლესი უპილოტო საფრენი აპარატების შეძენით, მაგრამ საგარეო საქემთა სამინისტროს რეკომენდაციით, ეს გარიგება გაიყინა რუსეთის ხელმძღვანელობის დამოკიდებულების გამო. ახლა კი, რუსეთის ბოლო განცხადებების ფონზე, სრულებით შესაძლებელია, რომ უკრაინისთვის მიწოდება დაიწყოს", - წერს "კურსორი".
