მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შალვა აბულაძე მკვლელობას არ აღიარებს და აცხადებს, რომ სასამართლოში ზეწოლის შედეგად მოიტყუა
06:19 / 14-04-2015
ორი პოლიციელის მკვლელობაში ბრალდებული შალვა აბულაძე მკვლელობის ნაწილში ბრალდებას არ აღიარებს და აცხადებს, რომ სასამართლოში პოზიცია ზეწოლის შედეგად დააფიქსირა.
ამის შესახებ #7 სასჯელაღსრულების დაწესებულების დატოვების შემდეგ აბულაძის ადვოკატმა, არჩილ ჩუბინიძემ ჟურნალისტებს განუცხადა.
როგორც ადვოკატმა აღნიშნა, შალვა აბულაძე მხოლოდ ბრალდების იმ ნაწილს აღიარებს, რომელიც იარაღის უკანონო შეძენა-შენახვა-ტარებას ეხება.. თუმცა, ადვოკატის თქმით, ამ ნაწილშიც მისი დაცვის ქვეშ მყოფი თავს ნაწილობრივ მიიჩნევს დამნაშავედ.
რაც შეეხება ორი პოლიციელის მკვლელობას, ადვოკატის თქმით, მისი დაცვის ქვეშ მყოფს არც ერთი მკვლელობა არ ჩაუდენია და არც ის შეესაბამება სიმართლეს, რომ პოლიციას დაკავების დროს წინააღდეგობას უწევდა.
ადვოკატის მტკიცებით, აბულაძემ იმ ადგილიდან, სადაც იმალებოდა, იარაღი და ხელმყუმბარა ფანჯრიდან გადმოყარა და პოლიციას ჩაბარდა.
ამასთან, ადვოკატი საუბრობს მისი დაცვის ქვეშ მყოფის მიმართ არადამიანურ მოპრყობაზე და წამებაზე. არჩილ ჩუბინიძის თქმით, შალვა აბულაძეს, როგორც სახის არეში, ასევე სხეულზე მნიშვნელოვანი დაზიანებები აღენიშნება. ადვოკატი აპირებს, რომ ექსპერტიზის ჩატარება მოითხოვოს. ჩუბინიძის თქმით, დაზიანებები აბულაძეს დაკავებიდან იზოლატორში მოთავსებამდე აქვს მიყენებული, თუმცა დაკავების ოქმში ეს აღნიშნული არ არის.
"შალვა აბულაძე ამბობს, რომ ეკუთვნის აყვანის ადგილიდან ამოღებული მაკაროვის სისტემის იარაღი და ხელყუმბარა. ადგილზე ამოღებული "გლოკის" სისიტემის იარაღი მას არ ეკუთვნის. აბულაძე აცხადებს, რომ პოლიციელების თავდასხმაში, არც ბორჯომში და არც თბილისში მონაწილეობა არ მიუღია. ის ამბობს, რომ მკვლელი თავისუფლებაზეა. შალვა აბულაძე, შეიძლება ითქვას, რომ ნაწამებია, დაკავების ოქმში კი მის სხეულზე არსებული დაზიანებები აღწერილი არ არის. მას ვიზუალურად ეტყობა სილურჯეების სახეზე და სხეულზე. ამ დრომდე გრძელდება მასზე ფსიქოლოგიური ზეწოლა. მას არ გააჩნია ელემენტარული არსებობისთვის შესაბამისი პირობები სასჯელაღსრულების დაწესებულებაში, მის ახლობლებს კი არ აძლევენ ამანათის შეგზავნის შესაძლებობას", - განაცხადა არჩილ ჩუბინიძემ.
"გამოძიება გვეუბნება, რომ ვარკეთილში მომხდარი მკვლელობის დღეს კვლავ მოხდა შეტაკება მკვლელობაში ბრალდებულსა და პოლიციას შორის. გამოძიება გვეუბნება ასევე, რომ ადგილზე იპოვეს ხელჩანთა, რომელშიც იდო ვითომდა პარიკი, რეალურად კი ჩანაწერში ჩანს, რომ ეს არის სპექტაკლი. კერძოდ, ასახულია, რომ ძებნილი და პოლიციელი ისვრიან სხვა მიმართულებით. გარდა პარიკისა, ვითომ აღმოაჩინეს ტანსაცმელი და წიგნები, მათ შორის ბიბლია", - აცხადებს არჩილ ჩუბინიძე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
