ტრაგედია აბაშაში - ავარიას ოთხი ადამიანის სიცოცხლე ემსხვერპლა

აბაშაში ავტოსაგზაო შემთხვევას 4 ადამიანი ემსხვერპლა. აღნიშნულ ინფორმაციას "რუსთავი 2" ავრცელებს. ნისანის მარკის ავტომობილი ცუდი ხილვადობის გამო აბაშა-ჯაპანის გზიდან არხში გადავარდა. ავტომობილში 6 ადამიანი იმყოფებოდა, საიდანაც 4 მათგანი გარდაიცვალა, ორმა კი ავტომობილიდან გამოსვლა შეძლო.

დაშავებულთა მდგომარეობა სტაბილურია და ისინი სახლში გადიან მკურნალობას. დაღუპულთა ცხედრები წყლის არხიდან უკვე ამოიტანეს და ექსპერტიზის ბიუროშია გადასვენებული. არსებული ინფორმაციით, შემთხვევა მაშინ მოხდა, როდესაც ოჯახი სასაფლაოდან სახლში ბრუნდებოდა.