ძლიერი აფეთქება გლდანში, სამაშველო ოპერაცია და გამომწვევი მიზეზები - სართულის ჩანგრევის შედეგად, ქალბატონი "სინკარებს" შორის არის ჩარჩენილი

ბოლო განახლება: გლდანში ძლიერი აფეთქების შემდეგ "სინკარებში" გაჭედი მოხუცი ქალი გარდაიცვალა - ტრაგედიის ახალი დეტალები

გლდანის მე-2 მიკრორაიონის 25 კორპუსში, სადაც გამთენიისას აფეთქება მოხდა, მე-8 სართულზე მცხოვრები ქალის გამოყვანის ოპერაცია მიმდინარეობს.

როგორც "ინტერპრესნიუს" შემთხვევის ადგილზე განუცხადეს, კორპუსის ერთ-ერთი ბინადარი ქალბატონი მე-8 სართულის ჩანგრევის შედეგად, "სინკარებს" შორის არის ჩარჩენილი. მისი გამოყვანის ოპერაციას სამაშველო სამსახურის წარმომადგენლები აწარმოებენ.

გლდანის მე-2 მიკრორაიონის 25 კორპუსში, აფეთქება სავარაუდოდ გაზმა გამოიწვია. ამის გამო მთლიანად ჩანგრეულია მე-9  და მე-8 სართულები.

აფეთქების შედეგად დაზიანდა სხვა სართულებზე მდებარე საცხოვრებელი სახლებიც. მათ ფანჯრები აქვს ჩამსხვრეული.

სახლში, სადაც აფეთქება მოხდა, ცოლ-ქმარი ქირით ცხოვრობდა.

"ინტერპრესნიუსი"