თბილისის უბნები, სადაც 12-13 აპრილს ავტობუსები უფასოდ ივლიან
დღესასწაულთან დაკავშირებით, 12 და 13 აპრილს სასაფლაოებამდე მუნიციპალური ტრანსპორტი მგზავრებს უფასოდ მოემსახურება.
როგორც "ინტერპრესნიუსს" თბილისის მერიიდან აცნობეს, 12 და 13 აპრილს სასაფლაოებამდე მუნიციპალურ ტრანსპორტით უფასო მომსახურებასთან დაკავშირებით თბილისის მთავრობამ შესაბამისი განკარგულება 1 აპრილს მთავრობის სხდომაზე მიიღო.
ტრანსპორტის საქალაქო სამსახურის ინფორმაციით, აღდგომის დღეებში სასაფლაოების მიმართულებით ავტობუსები 08:00-დან 19:00 საათამდე იმოძრავებს. მუხათგვერდისა და ვაშლიჯვრის სასაფლაოების მიმართულებით ავტობუსები მეტროსადგურ "დიდუბის" ზედა გასასვლელიდან გავა.
კუკიისა და მახათას სასაფლაოს მიმართულებით მოსახლეობას ავტობუსები სადგურის მოედნიდან და მეტროსადგურ "მარჯანიშვილიდან" მოემსახურება.
საბურთალოს სასაფლაოზე ავტობუსები გავა მეტროსადგურ "დელისის" ტერიტორიიდან.
თბილისის ზღვის სასაფლაოს მიმართულებით მოსახლეობას ავტობუსები მეტროსადგურ "სარაჯიშვილიდან" მოემსახურება. ვერის სასაფლაოს მიმართულებით ავტობუსები ჭიჭინაძის ქ. №26-დან იმოძრავებს. ვარკეთილის სასაფლაოს მიმართულებით ავტობუსები გავა მეტროსადგურ "ვარკეთილიდან და ასევე მისამართიდან: მე-3 მასივი, შუამთის ქ. მე-10 კვარტალი.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
